Hasierako egoera:

Elena Lehen Hezkuntzako bosgarren mailako irakaslea da. Segida didaktikoez osatutako ikaskuntza-inguruneetan lan egitera bultzatu ohi ditu ikasleak. Beste irakasle batzuek diseinatutako jardueren segidak erabiltzeko aukera ematen dion datu-base handi bat dagoela ikusi du. Emaitza bikaina da; ikasleak oso motibatuta daude.

Hirugarren hiruhilekoa hasi da eta unibertsoari buruzko gaiari heldu behar dio. Ilargiari buruzko segida bat aurkitu du; oro har, oso ondo dago, baina ez du eguzkiarekin, lurrarekin eta eklipseekin zerikusia duen gairik lantzen. Gai horiei buruzko loturak eta baliabide interesgarriak biltzen dituen gida bat ere baduela gogoratu du, eta baliabide horiek aprobetxatu nahi ditu.

Horrez gain, ikasleei beren gaitasunak hobetuko dituzten trebetasun eta abileziak garatzea eskatzen dien esperientzia adierazgarri bat aurkezteko ideia darabil buruan. Hainbat baliabide bisitatzea nahi du eta ikasleek beren iritziak trukatzeko gune bat sortu. Elenak hori gauzatzeari buruzko ideia ugari darabil buruan, baina ez du aurkitzen bururatzen zaion materiala.

Martxan jartzea:

Elenaren kasua oso ohikoa da. Irakasle askok oso egitura bereziak dituzten segida didaktikoak imajinatu ohi dituzte, eta, haietarako materiala bilatzeko sartzen direnean, beren premia eta interesei erantzuteko egokitzapenak egin behar dituztela konturatzen dira.

Irakasle gehienek beren lanaldiaren zati handi bat beren jarduera sorta aberasten ematen dute; batzuek hainbat motatako materiala egokitu ere egiten dute. Beste batzuk frustrazioa sentitzen dute jarduera bat egokitu egin behar dutenean, azkenean egokitu ezin den baliabide bat aprobetxatu nahian.

Segida martxan jartzeko, honako prozesu hauen berri izan behar dugu:

1. urratsa: “Nire eskolak” atalean segidak (edo ikasgaiak) gehitzea Urrats honetan, ezagutzen dugun eta egokitu nahi dugun segida didaktiko bat nola aukeratu ikusiko dugu.

2. urratsa: Segida didaktikoa LAMSen editatu: Ilargiari buruzko wikia Aprobetxatu nahi ditugun planteamenduak biltzen dituen segida didaktikoa aukeratu ondoren, segida editatu egingo dugu eta gure segidan erabiliko ditugun elementuak hartuko ditugu. Une horretan, hartu dugun sekuentziatik gustatzen ez zaigun guztia ezabatzea eta gure segidan aprobetxatuko ditugun jarduerak editatu edo egokitzea izango da gure zeregin nagusia.

3. urratsa: Gure segidari kanpoko baliabideak gehitzea. Segida martxan jartzeko azken urratsean gure segidari kanpoko baliabideak erantsi eta nahi dugun moduan taxutzen hasiko gara. Une horretan, betetako erregistro-eredua eskura izan beharko dugu, aldez aurretik identifikatutako oinarrizko elementuak handik hartzeko.