2.- Aplikazio praktikoa

Orientabide metodologikoak

Aplikazio praktikoko etapak bi alderdi handi ditu: bata, diseinu-ingurunerakin trebatzea eta LAMSek ematen dituen aukerak ditugu; bestea, segida didaktikoaren azterketa eta diseinu propioa edo egokitzapena.

Lehenari dagokionez, honako hau gomendatzen da:

• LAMSen ikaskuntza-ingurunea arakatzea.

Prestakuntza-tutorialek zalantza teknikoetan zer ibilbide egin behar dugun jakiteko aukera ematen digute. Horregatik, tresnarekin trebatzea ahalbidetzen duten kontsulta-materiala dira.

• LAMSen proposatutako segida didaktiko baten gutxienez adibide praktiko bat ezagutzea. Ikus LAMS

Tresnaren aukera garbi edukita, segida didaktiko baten azterketa, diseinu edo pertsonalizazioari ekin dakioke. Horretarako, abiapuntutzat “creative commons” lizentzia duen segida didaktiko bat hartzea gomendatzen da. Horrez gain, segida didaktiko hori hainbatek partekatua izatea komeni da, beste irakasle batzuek beren premia eta interesetara egoki ditzaten.

• Ikaskuntza-ingurune honek ematen dituen aukerez jabetzea, barne har ditzakeen askotariko jardueren bitartez.
  
  Ikus tutorial hau: Nola sortu gure segidak LAMSen?

Segida hautatu ondoren, fase bakoitzean barrena ibilbide bat egitea gomendatzen da, zer elementu edo jarduera aprobetxa daitezkeen eta zeintzuk ez ikusteko. Proposatutako zereginen bat hartzeak zeregin hori segida pertsonalizatu baten esparruan errazago biltzea ahalbidetuko du. Hurrengo urratsa aprobetxatzekoak ez diren jarduerak edo ibilbideko uneak baztertzea izango da.

Horretarako, II. mailako gida hartzea eta segidarentzat oro har osagarriak diren eta segidari zentzua ematen dioten jarduera motak aukeratzea gomendatzen da. Segida koherentea eta kalitatezkoa sortzeko ezinbestekoa da lana gaitasunen arabera egitea ahalbidetzen duten jarduerak kontu handiz eta zehatz-mehatz aukeratzea, betiere curriculum-edukiak arakatu eta aztertuta.