Ikus dezagun, lehenik eta behin, programaren funtzionamendua.

Gcompris abiatzean, programa oso erraza dela ohartuko zara. Minutu gutxitan ikasiko duzu erabiltzen. Gcompris programan maila ezberdinetarako aplikazioak aurkituko badituzu ere, programa haur txikienentzat pentsatuta diseinatu da. Haurrek programa autonomia osoz erabiltzea da helburua, helduen laguntzarik gabe. Ikonoak handiak dira eta oso adierazgarriak, gainera, nabigazioa errazteko, oso testu gutxi du. Zentzu horretan, Gcompris txikienei teknologia berrien munduan sartzeko tresna paregabea da.