Ibilbidea

Zer egingo dugu?

Kapsula-lantegi honetan hainbat curriculum-eduki era dibertigarrian aurkezteko aukera emango diguten bost tresna ezagutuko ditugu. Bost programaok neska-mutilek matematika, mekanografia edo programazio informatikoa eta beste hainbat gai ikasteko teknologia berrien indar ludikoaz baliatzen dira.

Oso gutxitan ikusi ohi dugu jolasa ikasteko estrategia gisa. Hala ere, pedagogo askok jolasak gure prestakuntzan duen garrantzia onartzen dute. Diotenez, jolasak gure sormena garatu, komunikazioan lagundu, elkarbizitza erraztu, pertsona mobilizatu eta pentsamendu dibergenteak aktibatzen ditu.

Teknologia berriak jolasa ikasgelan sartzeko eta, horrela, ikasleen errendimendua hobetzeko aukera dira. Gaur egun, gazteriaren gehiengoak teknologia ongi pasatzeko erabiltzen du. Oraingoan, jolasa ikaskuntza bihurtzeko behar diren tresna teknologikoak aurkitzea da helburua.

Kapsula-lantegi honetan bost programa ezberdin ikusiko ditugu: Gcompris, TuxMath, TuxTyping, GeoGebra eta Scratch. Sarean aurki ditzakegun programak dira eta mundu osoko ikastetxeetan erabili ohi dira ikasleen gaitasunak hobetzeko. Programa guztiek dute, gehiago ala gutxiago, jolas ezaugarri hori.

Zein dira jarraituko ditugun pausoak?

Aplikazio horietako bakoitza ondoko eduki-egitura jarraituz aurkeztuko dugu:

• Deskribapena eta funtzionaltasun nagusiak.

• Instalazioa eta deskarga / Web kokapena.

• Erabiltzeko adibideak eta bestelako eragiketak.

• Bestelako eragiketak.

• IKT hiztegia

Nola aurkeztuko dizkizuegu materialak?

Kapsula-lantegiko edukiekin, lanerako hainbat aukera eskaintzeko helburuarekin, formatu desberdinak erabiliko ditugu:

• PDF formatuko material guztiaren bertsio inprimagarria.

• Bertsio elektronikoa WEB formatuan.

• Sailetako batzuen bideo bidezko tutoretzaren bertsioa.

Has gaitezen!