Gaur egun, Gcompris programak 100 jarduera ezberdin ditu. Ondoko gaien inguruko jarduerak aurki ditzakegu: ordenagailua ezagutzea, aljebra, zientzia, geografia, jolasak, irakurketa eta bestelakoak.

Gcompris programak oso interfaze erraza du, haurrek zailtasunik gabe erabil dezaten. Haurrek Gcompris irakaslearen laguntzarik gabe ere erabil dezakete. Sagua ezinbestekoa da jarduera guztiak egiteko.

Programa honek Windows eta Linux sistema eragileetan ongi funtzionatzen du. Internetetik doan deskarga daitekeen software askea da. Programa Linux ingurunean garatu zen. Programaren sortzaileek, sistema eragile honen erabilera sustatzeko, Windowserako aplikazio kopurua mugatu egin dute, berrogeita hamar bat dira gutxi gorabehera. Gainerako aplikazioak, ehun bat, Linux ingurunean baino ezin dira aurkitu.