Scratch. Bestelako eragiketak

Proiektuak sarean partekatu

Scratch programaren web-orrian mundu osoko erabiltzaileek egindako proiektuak aurki ditzakezu. Edozein proiektu deskargatu eta bere barne-funtzionamendua ezagut dezakezu. Horrela, zure gaitasunak hobetu eta baliabide berriak ezagut ditzakezu. Scratch programaren helburuetako bat da, hain zuzen ere, erabiltzaileen arteko elkarlana sustatzea.

• Scratch programaren web-orrira joateko, jarrai ezazu menu nagusiko Partekatu-Scratch-en webgunera joan.... Bilaketa-barrari esker, zure proiektuaren antzerakoak direnak aurki ditzakezu. Hitz gakoa idatzi eta hautatu “bilatu”:

• Zure proiektuetako bat zintzilikatu nahi baduzu, hautatu Proiektu hau partekatu on line...:

• Leiho berrian, idatzi erabiltzailearen izena, pasahitza eta proiektuaren izena. Gainera, lanaren deskribapen txiki bat ere gehitu dezakezu. Etiketak atala oso erabilgarria da zure proiektua beste erabiltzaileei helarazteko. Scratch, programaren zerbitzarian ehunka proiektu aurki ditzakezula pentsa ezazu. Beraz, informaziorik gehitzen ez badiozu, zure proiektua aurkitzea zaila izango da besteentzat. Programak eskaintzen dizkizun etiketak erabil ditzakezu, edo zehatzagoak diren beste batzuk sortu. Bukatzen duzunean, sakatu Ados:

• Proiektu bat argitaratzeko, edo saretik deskargatzeko, erabiltzaile-kontua izan behar duzu Scratch programaren webgunean. Kontu berri bat sortzeko, orrialde nagusian aurkituko duzun izena emateko aukera hautatu:

• Izartxoa duten eremuak betetzea beharrezkoa da. Formularioa betetakoan, sakatu Erregistratu:

• Scratch programaren zerbitzaritik proiektu bat deskargatu nahi duzun bakoitzean, zure erabiltzaile-izenaren eta pasahitzaren bidez egin beharko duzu.

Scratch desinstalatu

• Zure ordenagailutik Scratch kentzeko, saguaren eskuineko botoiarekin Uninstall fitxategia hautatu, programaren karpetaren barnean dagoena. Goitibeherako menuan, Ireki sakatu:

• Jarraian, pantailan agertuko diren pausoak jarraitu.