Ikasgelako Programazioa
MAILA |
IRAKASGAIA |
GAIA |
IZENBURUA |
IRAUPENA |
Lehen Hezkuntzako 5. maila |
Ingurunearen ezaguera |
Landareen sailkapena |
Gure inguruko landareak |
6 saio (6 ordu) |
UNITATE DIDAKTIKOAREN DESKRIBAPENA |
Proposamenean ikasleei gonbitea egiten zaie ingurune hurbilean dituzten
landareak ezagutzeko, sailkatzeko eta komunitateari zerbitzu bat emateko, QR kodeak erabiliz sortutako informazioaren bitartez.
Landareen sailkapenari buruz ikasitakoa oinarri hartuta, ikasleek aukeratutako landarearen deskribapena egin eta “wap”
orri batean argitaratuko dute. Ondoren, orri horrekin lotuko duen QR kode bat sortu, inprimatu eta landarean ondoan jarriko
dute. Horri esker, kodea irakurtzen duenak landareari buruzko informazio gehiago jasoko du, eta azaldutako edukiak eguneratzeko
aukera ere ez da baztertzen. |
CURRICULUM-EDUKIAK |
- Landareen egitura
- Landareak identifikatzeko gakoak eta gidak erabiltzea.
- Zenbait iturritan, izaki bizidunei eta haien bizi-baldintzei buruzko informazioa bilatzea.
- Landareei behatzean zehaztasunez eta zorroztasunez jokatzea, bai eta horiei buruzko lanak egitean ere.
- Laneko tresnen eta materialen erabilera- eta segurtasun-arauak betetzea.
|
IKASKUNTZA-HELBURUAK |
- Inguruneko landareetan landare-morfologiaren berezko elementuak aurkitzea, landarea identifikatu eta paisaia bereko beste
landare batzuetatik bereizteko.
- Landareak identifikatzeko gako dikotomiko errazak sortzea.
- Landareak identifikatzeko gakoak eta gidak erabiltzea.
- Zenbait iturritan, izaki bizidunei eta haien bizi-baldintzei buruzko informazioa bilatu, aukeratu eta antolatzea.
- Landareei behatzean zehaztasunez eta zorroztasunez jokatzea, bai eta horiei buruzko lanak egitean ere.
- Laneko tresnen eta materialen erabilera- eta segurtasun-arauak betetzea.
|
IKTko GAITASUN OROKORRAK* |
F1. Oinarrizko hardware-baliabideak erabiltzea (sakelako telefonoa).
F2. IKTak erabiltzea informazioa bilatzeko, aukeratzeko eta aztertzeko.
F3. IKTak erabiltzea testu-informazioa prozesatzeko.
F5. IKTak erabiltzea multimedia-informazioa prozesatzeko.
A2. Ingurune birtualetan moldatzea (QREdu eta haren “wap” editorea).
A3. Informazioa kudeatzea, sortzea eta ebaluatzea.
A5. Mundu erreala ulertzea, esploratzea eta bertan moldatzen jakitea (QR kodeak).
C1. Informazioaren pribatutasuna aintzat hartzea (QREdu).
C2. Jabetza intelektuala aintzat hartzea (“wap” orrien edukiak). |
*“Eskola 2.0” proposameneko IKT gaitasunei dagozkien itemak, Lehen Hezkuntzako 5. mailako
ikasleentzat. Lantegi honi erantsitako materialetatik aterata: Irakasleentzako eta ikasleentzako IKTko gaitasun-mapak.