1. Ariketa

• 4. urratsa “wap” orri bat editatu

“HTML” fitxategi baten edizioaren ikonoan (2) klik egitean, pantaila hau zabaltzen da, haren edukia sortu eta kudeatzeko.

Idatzi nahi den testua sartzeko gune bat dauka. Horrez gain, goiko aldean, edukia editatzeko tresna-barra dago: lodia, etzana, numerazioa, irudiak erantsi, estekatu, etab.

Tresna-barrako aukera guztien artean, hauek nabarmentzen dira:

Esteka bat sartzeko, saguaz aukeratu behar da hitza edo irudia, eta menuko ikono honetan klik egin behar da:

Hurrengo leihoa zabalduko zaigu. Hor bi aukera ditugu: estekak guk sortutako beste "html orri" batera eramatea, edo kanpoko webgune batera eramatea, Wikipediara, esate baterako.

Barneko edo kanpoko esteka bat txertatzeko leihoa

Kanpoko guneren batera jo nahi badugu, nahikoa da haren helbidea jartzea "URL" eremuan eta klik egitea OK (onartu) aukeran.

Estekak guk sortutako web-orri batera eramatea nahi badugu, klik egin beharko dugu Ver Servidor (Ikusi zerbitzaria) aukeran, eta sortutako orriak zerrendatzen dituen leihoan, dagokiona aukeratu.

Horrek kanpoko orrietan zein guk sortutako orrietan nabigatzeko aukera ematen du. Esteka bat ezabatzeko, haren edukia aukeratu eta ikonoan egin behar da klik.

Irudi bat eransteko, editoreko irudiaren ikonoan egin behar da klik. Lehen zerbitzarira igo diren irudietakoren bat aukeratzeko, klik egin behar da Ver servidor (Ikusi zerbitzaria) aukeran. Han, behar duguna aukeratuko dugu. Irudiaren zenbait ezaugarri aldatzeko aukera dago: tamaina, ertza, lerrokadura, testu alternatiboa, beharrezkoa bada... Irudia doitu ondoren, klik egingo dugu OK (Onartu) botoian.