1 Ariketa

Ez badaukagu oso argi nola sortu eta banatu gunea, zenbait txantiloi erabil ditzakegu, “wap” gunea sortzea errazagoa izan dakigun. Horretarako, txantiloiak irudikatzen dituen ikonoan egingo dugu klik, eta argitaratu nahi diren edukiei hobekien egokitzen zaiena aukeratuko dugu.

Ikonoan klik eginda, “wap” orria egiteko kodea ikusten da.

Erabiltzaile aurreratua bazara eta plataformatik zuzenean egin ezin den ekintzaren bat egin nahi baduzu, atal horrek aukera emango dizu nahi duzun kodea edo kode-zatia web edo “wap” editore baten bidez sortu eta kodea dugun gunean zuzenean kopiatzeko, guneari aparteko berezitasun bat emateako; esaterako, (“embed”) Youtubeko bideo bat edo “podcast” bat sartzeko. Dena den, kontuan izan behar da sakelako telefonoaren “wap” nabigatzaileak aukera horietako batzuk ez dituela behar bezala interpretatzen, eta, horrenbestez, ez direla ongi ikusiko.

HTML iturria aukeraren bidez, aurretik sortutako “wap” orri bat kopiatu dezakegu. Hori baliagarria izan daiteke, esaterako, antzeko “wap” orri bat egin nahi badugu, aurrekoaren formatu bera izan dezan. Demagun, adibidez, zenbait landare-espezie deskribatzen diren “wap” gune bat egiten ari garela. Lehenengo espezieari dagokion “wap” orria egindakoan, “html” iturria kopiatu eta bigarren “wap” orrian itsatsiko dugu. Ondoren, datuak eta lotutako irudiak aldatuko ditugu.