• Datu taxonomikoak. Oinarrizkoak familia, generoa eta espeziea dira. Atal honetan, landare-espezie horrek lurraldean edo munduko beste leku batzuetan zer izen duen ere aipa daiteke.

Lehen adierazitako hiru irizpide morfologikoak erabiliz, gure inguruneko landareen sailkapenaren hurbilpena egin dezakegu. Baina planteatutako sekuentzia didaktikoarekin jarraitzeko, ezinbestekoa zaigu aukeratutako landare guzti-guztien izen zientifikoa zein den zehaztea. Zenbait aukera ditugu, hori lortzeko:

• Landareak aukeratzeko lanean, ikasleak bideratzea, jardueraren arduradun den irakasleak ezagutzen dituen espezieak aukera ditzaten ikasleek.

• Aholkularitza teknikoa antolatzea. Aukera didaktikoak zer-nolakoak diren, gehiago edo gutxiago bideratuko da.

• Teknologia berriak sartzearekin batera, asko ugaritu dira lankidetzarako esparruak, eta, besteak beste, badira landareen identifikazioari buruzko eztabaidak izaten diren guneak. Hona hemen adibide bat:http://www.infojardin.com/foro/forumdisplay.php?f=3

• Datu ekologikoak. Kontuan hartu beharreko informazioen artean, hauek aipatzen dira: baldintzatzaile edafoklimatikoak, aukeratutako alea hartzen duen ekosistemaren deskribapena, erabilerak eta aprobetxamenduak...

Irizpide horiek oinarri hartuta, honelakoa izan liteke fitxa bat:

	Datu morfologikoak	Ugaltze-estrategia
		Zurtoinaren funtzioa
		Hostoen sailkapena
	Datu taxonomikoak	Familia:
		Generoa
		Espeziea:
	Datu ekologikoak	Baldintzatzaile edafoklimatikoak:
		Ekosistemaren deskribapen laburra:
		Erabilerak eta aprobetxamenduak: