6. Ariketa
B. QR mota: SMSa
Beheko irudien bidez adierazten da nola egiten den sakelako telefono baten zenbakiari mezu bat bidaltzeko
kodea (ezk.), eta nola ikusten den sakelako telefonoan (esk.). SMS aukeratuta, testu-mezua bidali egiten da.
URL baterako estekaren kasuan adierazi bezala, eskola-jarduera baten baitan SMS mezu bat bidaltzeak ez
lioke gasturik eragin behar ikasleari.
C. QR mota: telefonoa
Beheko irudien bidez adierazten da nola sortzen den kodea gure sakelako telefonora kontaktu bat eransteko, azkar eta
ez erratzeko moduan (ezk.), eta nola ikusten den sakelako telefonoan (esk.). Zenbakia markatu aukeratuta zenbaki horretara
deitzen da, eta kontaktuetan gorde aukeratuta, zenbaki hori telefonoaren kontaktu-liburuan gordetzen da.
D. QR mota: testua
Irudi hauek adierazten dute nola sortzen den testu baten kodea (ezk.) eta nola ikusten den sakelako
telefonoan (esk.).
Aukera horren bidez QR kodeak eskola-dinamikan erabil ditzakegu, sakelako telefonoen bidez Internetera
konektatzeak dakartzan auziei aurre egin behar izanik gabe. 255 karaktereko testua soilik idatzi ahal izango dugu, baina,
zenbaitetan, aukera egokia izango da. Esate baterako, landarearen izena kodetu ahal izango dugu Interneterako konexio beharrik
gabe.
Nola berreskuratu QR kode batetik lortutako informazioa?
Sakelako telefonoak jasotzen duen informazioa bildu egiten da. Ikusteko, Historiala menura jo behar da.