Xmind. Bestelako eragiketak

Xmind sare sozial moduan erabiltzea

Xmind programaren web-orrialdeak izaera sozialeko beste web-orrialdeen antzera funtzionatzen du, adibidez, Youtube, Slideshare edo Script. Erabiltzaile bakoitzak informazio publiko jakin bat duen profila du: erabiltzaile-izena, partekatutako mapak, mapa publikoak, gogokoenak, etab. Xmind programaren erabiltzaile garen aldetik, beste erabiltzaileek sortu dituzten mapak bila ditzakegu. Horrela, ezagutza partekatu eta guztion artean ikas dezakegu.

• Erabiltzaile-saioa hasteko, Xmind programaren orrialde nagusiko goiko partean dagoen Sing In botoian klik egingo dugu:

• Orrialde berrian gure erabiltzaile-izena eta gure pasahitza idatziko ditugu eta ondoren Sing in sakatuko dugu:

Gure erabiltzaile-orrialdean, besteak beste, gure mapa publikoak, mapa pribatuak, partekatutako mapak eta gogokoenak aurki ditzakegu. Xmind programan bisitatzen ditugun mapetan iruzkinak idazteko aukera dugu. Horrela, beste erabiltzaileen iritzia ezagut dezakegu eta horiengandik ikasi. Mapa kontzeptual batean iruzkina uzteko, laukian idatziko dugu eta Post a Comment hautatuko dugu.

• Bestalde, Xmind programaren bidez embed kodea kopia dezakegu mapa kontzeptual bat wikietara, blogetara edo Web 2.0-ren beste tresnetara eramateko. Embed kodea kopiatzeko, laukian klik bikoitza egin, eskuineko botoia sakatu eta Kopiatu hautatuko dugu:

Xmind desinstalatu

• Programa desinstalatzeko, Xmind gordeta daukagun karpetara joan eta Uninstall ikonoaren gainean klik bikoitza besterik ez dugu egin behar: