CmapTools. Bestelako eragiketak

CmapTools-ekin elkarlana

CmapTools programaren ekarpen handienetako bat elkarlanean, sarearen bidez, mapa kontzeptualak sortzeko aukera da. Aukera honek CmapTools programa hain espezializatuak ez diren beste programetatik ezberdintzen du, aurkezpen-editoreetatik edo testu-prozesadoreetatik esaterako. Elkarlana era sinkronikoan edo asinkronikoan egin daiteke.

• Elkarlanean lan bat hasteko, lehenbizi gure Cmap-a leku publiko batean gorde behar dugu:

• Leku publikoan gorde dugunean, lanerako leihoaren goiko aldean dagoen botoian klik egin beharko dugu. Botoi horrek elkarlan sinkronikoa gaitzen du:

• Informazio-pantaila bat agertuko zaigu eta Ados botoia sakatuko dugu

Erabiltzaile bat, urrutiko ordenagailu batetik, sortzen ari garen Cmap-era sartzen saiatzen denean, leiho bat irekiko zaigu eta elkarlan sinkronikoa nahi dugun galdetuko digu:

• Elkarlanean aritu aukera hautatu besterik ez dugu, eta une horretatik aurrera bi erabiltzailek batera lan egin dezakete Cmap berean.

Cmap-a irudi gisa esportatu

• Baliteke, uneren batean, Cmap-a irudi gisa esportatu nahi izatea, ondoren inprimatzeko, testu batean txertatzeko edo aurkezpen batean erabiltzeko. Horretarako, Fitxategia - Cmap Irudi gisa esportatu ibilbidea jarraitu behar dugu:

Leiho berri bat zabalduko da eta irudia gorde nahi dugun direktorioa hautatu beharko dugu, baita formatu-mota ere. Formatu ohikoena JPEG da, baina bereizmen gutxiagoko formatuak ere erabil ditzakegu, BMP edo PNG kasu. Irudia hautatutako formatuan gordeko da eta beranduago erabili ahal izango dugu.

CmapTools desinstalatzea

• CmapTools programa desinstalatzeko, programa dagoen karpetara joan eta Uninstall CmapTools sakatu behar dugu: