11. Ariketa

Lamseko wikia aurkeztea ikasleei

LAMSeko wikiek dituzten funtzionalitateak ikasleei aurkezteko gidoia prestatzea.

LAMSeko wiki aplikazioaren aukera nagusiak ikusi ditugularik, programa eskolako taldeari aurkeztu eta azaltzerakoan jarraituko dugun eredua prestatzeko unea heldu da.

Asmoa da segidara zuzenean konektatu eta funtzionamendua azaltzea, arbel digitalaren edo proiektagailuaren laguntzarekin. Jarduerako wiki berberaz baliatu gaitezke.

Demostrazioa sistematizatzeko, gidoiak 10. ariketan adierazitako urratsei jarrai diezaioke: Hona hemen eskema:

• Nola editatu

• Nola erantsi orri bat wikiari

• Nola txertatu estekak wikiaren beste orrialde batzuei

• Nola txertatu estekak kanpoko web-orriei

• Nola txertatu irudiak

Gelan azaldu aurretik, beharrezkoa izango da gaiak banan-banan ikustea eta erakustaldian erakutsiko ditugun adibideak prestatzea.

Agian, egokia izan daiteke aurreko puntu bat ezartzea, azaltzeko, batetik, zer den wiki bat, eta nola erabiltzen den lankidetzako lanak egiteko tresna moduan.