Aurkezpena

Zer da LAMS eta zer eskaintzen digu?

Ikaskuntza Jardueren Kontrolerako Sistemaren akronimoa da LAMS (Learning Activity Management System ingelesez). Software libre bidez garatutako ikaskuntzarako web-ingurunea da, eta banako zein taldeentzako jarduera-segidak sortzeko aukera ematen digu, planteamendu konstruktibistak oinarri hartuta.

Bisualki diseinatzen dira segidak eta oso errazak eta intuitiboak dira. Eredu-katalogo batean oinarrituta, jarduerak elkarren artean kateatzen dira, eta une bakoitzean interesgarritzat jotzen diren edukiekin osatzen dira.

Aukera ematen du eduki estatikoko jarduerak sartzeko (esaterako, Learning Objects), bai eta lankidetzako jarduerak sartzeko ere (eztabaida-foroak, eztabaidak edo wikiak).

Gainera, irakasleentzako tresnen artean jardueren garapenaren jarraipenerako atala ere badu LAMSek, ikasleen aurrerapenen jarraipena egiteko eta ikaskuntzaren ebaluazioak kudeatzeko.

Ikusten duzuenez, baliabide berria da, oso erabilgarria eta aukera handiak ematen dituena.

Hori dela eta, zertan den jakin dezazuen planteatzen dizuegu.