3. Jarduera: Ilargiari buruzko wikia

EGIN BEHARREKO LANAK	IKT BALIABIDEAK	IKTko GAITASUNAK
10. ariketa: LAMSen wiki bat sortzeko aukerak ikusi eta probatzea. 11. ariketa: LAMSeko wikiek dituzten funtzionalitateak ikasleei aurkezteko gidoia prestatzea. 12. ariketa. Arbel digitala erabiltzea eduki digitalak erakusteko. 13. ariketa: LAMSeko jarraipen-tresnak ikusi eta erabiltzea.	LAMSeko "Wiki" tresna Irudi digitalak kapturatu eta tratatzea. Arbel digitala (edo proiektagailua eta ordenagailua)	D4. Ikaskuntza-esperientziak diseinatzea, martxan jartzea eta ebaluatzea, IKTko baliabideak erabiliz ikasleengan sustatzeko XXI. menderako trebetasunak; esaterako, lankidetza, talde-lana, pentsaera kritikoa, arazoak konpontzea, enpatia eta sormena.

Jardueraren deskribapena

Ilargiari buruzko informazioa bilatu ostean, bildutako datuekin wiki bat egitea izango da azken jarduera.

Wikia sortu aurretiko urrats moduan, segidak wiki bat zer den eta nola egingo dugun adierazten duen pantaila erakutsiko digu.

Eta jarraian, wikiaren lehen orrira sartuko gara. Hortik, aurkeztu nahi duten informazioaren edukiak editatzen hasiko dira ikasleak.

Hortik abiatuta, asmoa da talde bakoitzari bere wikiak sortzeko prozesuan laguntzea, bakoitzaren beharraren arabera: programaren funtzioei buruzko argibide instrumentalagoak emango ditugu; wikiaren testua antolatzeko edo haren multimedia formatua zaintzeko orientabideak; edota taldekide bakoitzak egin beharreko lanaren inguruko jarraibideak emango ditugu, elkarren artean behar bezala antolatu ez badira.