9. Ariketa

Baliabideak konpartitu eta foro batean parte hartzea

Ariketa egin ahal izateko, ikasle moduan sartu beharko dugu segidara.

Horretarako, 6. ariketan sortu dugun “Probarako ikaslea” izeneko erabiltzailea erabil dezakegu, esaterako. Badugu beste aukera bat ere: gure erabiltzaileak Ikasle nahiz Tutore rolak baditu, Mis clases (Nire eskolak) pantaila nagusiko segidaren estekan klik egitea nahikoa da, sartzeko.

Segidako jardueretan aurrera egingo dugu “Ilargiari buruzko wikia” izenekora iritsi arte.

Recursos Compartidos y Foro (Konpartitutako baliabideak eta Foroa) jarduerak aukera ematen die ikasleei iruzkinak egiteko emandako baliabideetan oinarritutako foroetan.

Baliabide horietakoren batean sartzeko, orrialde nagusian jarriko gara, eta klik egingo dugu Baliabideak zerrendako Grupo 1.El satélite de la Tierra estekan egin behar da klik.

Automatikoki, pantaila berri bat zabalduko da, baliabidearen edukia bistaratzen duena. Kasun honetan, PDF formatuko fitxategi bat da. Dokumentuaren eduki osoa ikusteko, goiko menuko geziak erabiliko ditugu.

Antolatu ordenagailuko pantaila bi leiho irekita edukitzeko moduan: batean aurkezpena izango duzu, eta bestean ikasleentzako segidaren pantaila. Zabaldu Anotaciones (Oharrak) aplikazioa eta sartu zure oharrak aurkezpena ikusten duzun bitartean. Ez ahaztu: egin klik Guardar cambios botoian, eduki berriak jasota geratzeko.

Eztabaida asinkroniko batean parte hartzeko unea da. Aukeratu proposatutako eztabaida-hari bat, eta egin klik hari dagokion estekan, foroa erabiltzen hasteko.

Automatikoki, pantaila berri bat zabalduko da. Hor bistaratuko dira foroari egindako ekarpenak, eta beheko aldean botoi hauek: Editar (Editatu), Responder (Erantzun) eta Volver a lista de hilos (Harien zerrendara itzuli).

Responder botoian klik eginda leiho berri bat zabaltzen da, eta han editagarriak diren eremuak azaltzen dira:

• Asunto (Gaia), eztabaida-hariaren titulua edo enuntziatua.
• Mensaje (Mezua), eztabaidatu beharreko gaia testuinguruan jartzeko testu laburra edo galdera.

Mezua talde osoari bidaltzeko, egin klik Enviar (Bidali) botoian.