Ibilbidea

Zer egingo dugu?

Abiapuntu hartuta ikasleek Ilargiari buruz dakitena, hari buruz jakin nahiko luketena edo hari buruz egiten dituzten galderak, gaiari buruzko informazio-bilaketa egitea proposatzen dugu, galderei erantzun ahal izateko. Bilaketan jasotako datuak Ilargiari buruzko wiki batean antolatu eta egituratuko dira. Lan-talde txikitan editatuko dira, praktikan jartzeko informazio digitala tratatu eta zenbait formatutan aurkezteko trebetasuna: testu, irudi eta bideo moduan.

Zer urrats egingo ditugu?

• Hasteko, lantegian landuko dugun tresna aurkeztuko dugu, horren ikuspegi orokorra emanez.
• Jarraian, jardueraren helburua eta egitura ikusiko ditugu.
• Hori egindakoan, ikaslearentzako lan-proposamena eta irakaslearentzako prestakuntza-proposamena aztertuko ditugu.
• Bakoitzak bere aldetik lantzeko, zenbait ariketa planteatu ditugu.
• Azkenik, gelako programazioa dator.