1. Jarduera: Zer jakin behar dugu Ilargiaz?

EGIN BEHARREKO LANAK	IKT BALIABIDEAK	IKTko GAITASUNAK
7. ariketa: Segida bateko atazak editatzea. 8. ariketa: LAMSen taldeak sortzea.	LAMSeko "Nire eskolak" gunea LAMSeko “Galde-erantzunak” tresna.	D1. Ikaskuntza-esperientziak diseinatzea, martxan jartzea eta ebaluatzea, ikasleak bere interesen, erritmoaren, ikasteko moduaren eta trebetasunen arabera lan egin dezan, jada eginda dauden IKT baliabideak erabiliz.

Jardueraren deskribapena

Lehenengo jarduera banaka egitekoa da eta galde-erantzun moduan diseinatu da.

Ikasle bakoitzak bere erantzunak sartuko ditu eta sisteman bilduko dira eskolako ikaskide guztien ekarpenak.

Erantzunak sartutakoan soilik irakurri ahal izango dituzte ikasleek jarduera egin duten gainerako kideen ekarpenak, Ver todas las respuestas (Ikusi erantzun guztiak) atalean.

Hemendik aurrera segida gelditu egingo da (diseinuaren bistako eskeman ikusten genuen STOP ikonoa da horren ikurra).

Ikasleek ohar-mezu hau ikusiko dute:

Ikasle guztien ekarpenak jasota, irakaslearen ardura izango da erantzunak antolatzea. Alegia, ikusi beharko du ea baden errepikatzen den hipotesirik edo ideiak multzokatu daitezkeen. Eta ideia-multzoa hartuta, emaitzak aurreikusitako lau gaietan bildu beharko ditu.

Une horretatik aurrera, ikasleak lan-taldetan antolatuko dira. LAMS plataformaren bitartez ausaz osatu daitezke taldeak, baina taldea ikasleen beharren arabera erabili beharreko heziketa-baliabide garrantzitsua dela kontuan izanik, irakasleak berak taldeak osatzeko diseinatu da segida. Urratsez urrats azaltzen da 8. ariketan, nola egin behar den taldekatzea.