MAILA

IRAKASGAIA

GAIA

IZENBURUA

IRAUPENA

Lehen Hezkuntzako 5. maila

Ingurunearen ezaguera

Munduko ibaiak eta aintzirak

Menditik itsasora: Euskadiko eta munduko ibaiak.

4-5 saio (4-5 ordu)

Proposamen didaktiko honekin, Euskadiko eta munduko ibai nagusiak ezagutuko dituzte ikasleek. Proposamenak Earthquest-forma du; hau da, bidaia birtual bat egiten du Google Earthen bidez. Ikasleek hiru "proba" edo "etapa" egin behar dituzte guztira. Ingurune hurbilenetik hasiko dira, hau da, Euskaditik, eta munduko zenbait herrialdetan amaituko dute.

Proposamen didaktiko honen helburua da lankidetza eta talde-lana sustatzea. Horregatik, jardueretako bi taldeka egingo dira. Bestalde, proposamen honek lau IKT tresna integratzen ditu, geografiako gai bat zenbait ikasketa-estrategiarekin lantzeko.

Eartquestaren azken emaitza Google Earthen fitxategi bat da, eta ikasitako ibai guztiak kokatuta egongo dira bertan.

• Euskadiko eta munduko ibaiak.
• Talde-lana. Berdinen artean elkarlanean aritzeko estrategiak garatzea.
• Sarean informazioa bilatzea eta hautatzea, etiketen bidez eta web 2.0ko beste baliabide batzuen bidez.

• Euskadiko, Iberiar penintsulako eta munduko ibai nagusiak ezagutzea.
• Euskadiko ibai bati buruzko wikia egitea taldeka.
• Iberiar penintsulako ibaiei buruzko mapa kontzeptual bat egitea banaka.
• Munduko ibaiei buruzko argazki-erakusketa bat aurkeztea.
• Google Earthen fitxategi batean ikasitako ibai guztiak "geolokalizatzea".
• IKT tresnak erabiltzen ikastea: Google Earth, Wikispaces, Cmap Tools eta Flickr.

F2. IKTak erabiltzea informazioa bilatzeko, aukeratzeko eta aztertzeko.

F3. IKTak erabiltzea testu-informazioa prozesatzeko.

F5. IKTak erabiltzea multimedia-informazioa prozesatzeko.

F6. IKTak erabiltzea beste pertsona batzuekin komunikatzeko.

A1. Komunikatzea eta lankidetzan jardutea.

A2. Ingurune birtualetan moldatzen jakitea.

A3. Informazioa kudeatzea, sortzea eta ebaluatzea.

C1. Informazioaren pribatutasunari buruz hausnartzea.

C2. Jabetza intelektuala aintzat hartzea.