Aurkezpena

Zer da Earthquest bat eta zer eskaintzen digu?

Earthquest bat jarduera elkarreragile bat da, eta informazio geografikoko sistemetan oinarritzen da, adibidez, Google Earth sisteman. Jarduera horietan ikasleek mundua esploratu behar dute birtualki, eta zenbait proba egin behar dituzte, urrutiko herrialdeak, hiriak eta tokiak ezagutzeko.

Earthquest batean eduki estatikoko jarduerak egon daitezke (esaterako, Learning Objects), bai eta elkarlanean aritzeko jarduera irekiak ere (eztabaida-foroak, eztabaidak edota wikiak).

Normalean Earthquestek "ibilbide" itxura izaten dute; hau da, zenbait proba egoten dira, eta ikasleek gainditu egin behar dituzte helmugara iristeko. Dena den, askotan ibilbide berriak asma daitezke edo proba berriak gehitu daitezke, neska-mutilen trebetasunaren arabera eta daukagun denboraren arabera.

Era horretako egituren barruan sortzen diren planteamenduen helburua izaten da zeharkako gaitasunak eta gaitasun espezifikoak garatzea (komunikazio-gaitasuna, metodologia-gaitasuna, mundu fisikoa ezagutzeko eta harekin elkarrekintzan aritzeko gaitasuna, eta autonomia pertsonalerako gaitasuna), 2.0 baliabide digitalak erabiliz.

Orain ikusiko dugun proposamenak sareko lanazen atal bat du, eta ikasleei aukera ematen die gizarte-sareetan jarduerak egiteko eta informazioa kudeatzeko eta argitaratzeko. Beraz, ikasleak elkarlanean aritzera bultzatzen dituen jarduera-mota bat da, eta eskuragarri duten informazioari buruzko jarrera kritikoa osa dezaten eta informazio horri buruz hausnar dezaten sustatzen du. Horrez gain, gizarte-sareen barruan jokatzeko arauak ezagutzeko eta errespetatzeko balio die.