2. Ariketa

Locr baliabidearen aurkezpena

Locr baliabidea aurkeztuko dugu

1. urratsa: saguaren gurpiltxoarekin edo (1) eta (2) aginteekin, ikuskera gerturatu edo urruntzeko aukera dugu. Puntu jakinen batera gerturatu nahi badute, bi klik egin behar dituzte puntu horretan.

Mapa bera arrastatu dezakete (saguko ezker botoia sakatuta eutsi eta hura mugituz) edo geziak erabil ditzakete (3), gora eta behera edo ezker-eskuin mugitzeko. Lau gezitxoko ikonoak erdira dakar berriro ere mapa, bilaketa baten azken emaitzara etorriz.

Pantailaren eskuinaldean dauden argazkiak adierazten dituzte orratz horiek. Sagua orratzen gainetik pasatzean, nabarmendu egiten dira, argazki-kamera baten ikonoarekin:

Argazkian klik eginez gero, informazio gehiago eskuratzen da:

1. Argazkia tamaina normalean (eta ikono bat beste tamaina batzuetan ikusteko aukera ematen duena).

2. Argazkiaren testuinguru-mapa. Gerturatu edo urruntzeko aukera dugu, erliebea ikustekoa, mapa politikoa, satelite-argazkia, etab.

3. Argazkia noiz egin zen, zenbat aldiz ikusia izan den eta egilearen izena ikusiko ditugu, eta argazki hori album batean badago, egilearen profilerako esteka ere azalduko zaigu.

4. Erabiltzaileek argazkiari eman dioten puntuazioa (izar batekoa da puntuazio txikiena).

5. Etiketatzearen informazioa: latitudea eta longitudea. Beste etiketa batzuetan azalduko da nor jasoa izan den irudia, hiria, eskualdea, herrialdea eta kontinentea.

6. Argazkia hartua izan den lekuari buruz Wikipediak ematen duen informazioa.

7. Gertuko beste argazki batzuk.

Ikasleei azalduko diegu beren lana izango dela, hemendik aurrera, argazkiak atera eta Locr zerbitzuaren bidez konpartitzea. Ikasleek, argazkien bidez, beren bizilekuko tokirik adierazgarri eta bereziak erakutsiko dituzte munduan.