Jardueraren helburua eta egitura
Material honen helburua da IKTak ikasgelan erabiltzeko aplikazioen adibide batzuk ematea. Aplikazio horiek
erabiliko dira curriculum-edukiak ikasi eta trebetasun digitalak eskuratzeko. Lokalizazioan oinarritutako zerbitzuak erabiliko
dira, ibilbide hezigarriak gozatzeko aukera emango digutenak, LOCR edo WOICES aplikazioen bidez.
Web-baliabide horiek erabilita, ibilbideak erraz eta intuizio hutsez sor ditzakegu. Lan hori egiteko,
hautatu diren plataformetara sartu behar dute ikasleek. Lan-denbora banatzeko aukera ematen du lan-molde horrek; beraz, ikasle
batzuk konektatzen diren bitartean, gainerakoek bestelako lanak egin ditzakete, edo etxean nahiz informatika-orduetan egin
ditzakete lan horiek.
Bi aplikazio horiek programak dituzte (softwareak) gailu eramangarri gehienentzat; beraz, aukera izango
dugu gailu horietatik zuzenean lan egiteko, baldin eta aplikazioak eskatzen dituen ezaugarri-baldintzak betetzen baditugu.
Urrats erraz batzuk ematen badituzte, ikasleek lan-sekuentzia txikiak eta aisiako, prestakuntzako edo
kultura-alorreko ibilbideak osa ditzakete. Aplikazioak berak dakartzan azalpen-pantailek adieraziko diete, unean-unean, zer
egin behar duten eta nola egin dezaketen aurrera.
Gure helburua IKTko gaitasunak eskuratzeko lan espezifikoa egitea denez, proposamenean, ikaskuntza-helburuez
eta metodologia-jarraibideez gain, bereziki zehaztu dira unitatea burutzeko ikasleek nahiz irakasleek behar dituzten gaitasun
digitalak.
Beraz, GPS bidezko ibilbideak eta abenturak prestatzean eta aplikatzean, irakasleak jakintza
eta jardunbidea jakinak aplikatu behar ditu, trebetasun instrumentalekin, informazio digitalaren edo komunikazio birtualaren
(IKT) tratamenduarekin lotutakoak. Eginkizun horretarako jarraibideak eta laguntza ematea da, hain zuzen, tutorial honen
helburu nagusia.
Horrela bada, premisa horiek kontuan hartuta, tutorialak hau eskaintzen du:
Lan-proposamen zehatz bat ikasleentzat, IKTen erabilera didaktikoa egin dezaten.
Prestakuntza-proposamen bat irakasleentzat, urratsez urrats azaltzen dituena proposamena ikasgelan egiteko egin
behar dituen lanak. Taula hauetan laburtzen dira horiek guztiak: