Ikasleentzako lan proposamena. Woices

Woices zerbitzuarekin egindako jarduera baten sekuentzia.

Jarduera honetan, ikasleei proposatzen zaie beren herri, auzo edo hiriko pertsona nagusiei galdetzea zer gertatu izan den leku jakin batean. Gertakari horiek bitxikeriak, gertakari historikoak edo bestelakoak izan daitezke.

Pertsona nagusien azalpenak erregistratu behar dituzte ikasleek, audio-artxiboak sortu, editatu, lokalizazio geografikoa zehaztu, eta Woices programaren bidez konpartitu.

Jarduera horren bidez, bizi diren inguruaren audio-gida bat egin dezakete, komunitateko pertsona nagusien kontakizunen bidez azalduz historia. Hiru zatitan egituratzen da sekuentzia:

1. jarduera — Leku interesgarriak identifikatzea eta solaskideak topatzea

Sekuentziaren lehen zatia izango da ikasleei esatea beren auzo, herri edo hiriko leku nabarmenak zehatz dezaten, arrazoi bereziren batengatik garrantzitsuak diren neurrian.

Intereseko lekua hautatu ondoren, ikasleen ezaguna den pertsonaren bat bilatu behar dute, hautatu duten lekuari buruzko informazioa eman dezakeena.

2. jarduera — elkarrizketa

Elkarrizketatuari egin behar dizkioten galderak prestatuko dituzte ikasleek. Hautatuko lekuan gertatutako bitxikeriei edo gertakari historikoei buruzko galderak izango dira.

Audio-artxibo batean (oihartzun batean) erregistratuko dute ikasleek elkarrizketatuak ematen dien informazioa, eta editatu egingo dute argitaratu aurretik.

3. jarduera — "Oihartzuna" Woices programan argitaratzea

Audio-artxiboa grabatu ondoren, Woices zerbitzuan argitaratu behar da, azaldutako oihartzunaren kokapen zehatza adieraziz.

Unitatearen gelako programazioa dokumentu honen amaierako atalean dago.