1. Jarduera, 1. eta 2. Ariketak

1. ARIKETA Leku interesgarriak identifikatzea

Sekuentziari ekiteko, ikasleei esango zaie beren auzo, herri edo hiriko leku nabarmenak zehazteko, arrazoi bereziren batengatik garrantzitsuak diren neurrian.

Inguruko lekuak ikertu behar dituzte: plazak, kaleak, elizak, iturriak, zubiak, lorategiak, parkeak, dorreak, gazteluak...

Leku horiei buruz dakitena baino gehiago jakiteko gogoa izan behar dute, eta beren inguruko pertsona nagusiek horiei buruz kontatzen eta gogoratzen dutena jasotzekoa.

Pertsona nagusiek esaten dietenarekin, beren herriari buruzko audio-gida bat egingo dute. Hautatu dituzten lekuak nabarmenduko dituzte gida horretan.

2. ARIKETA Solaskideak lokalizatzea

Lantalde txikiak antolatuko ditugu-

Talde bakoitza pertsona nagusien zerrenda bat egiten saiatuko da, 1. ariketan zehaztu dituzten lekuei buruzko informazioa eman dezaketen neurrian.

Aitona-amonak, izeba-osabak, senideak, auzokoak edo bestelako pertsonak egokiak dira lan horiek egiten laguntzeko eta beren ikuspuntua emateko.

Esate baterako, herriko plazan dagoen monumentuko pertsonaiaren berri zuzena eman diezaieke ikasleei adineko pertsonaren batek, edo beste pertsonaren batek azal diezaieke zerbarako balio zuten gerra zibileko aire-erasoen aurkako babesak, edo herriko ibaia zeharkatzen duen zubia nola eraiki zen azal dezake beste norbaitek.