Geoedukiak

Gehiago jakiteko: “geoedukiak”, Sekai Camera-ren bidez handituz errealitatea.

Errealitate handitua esaten zaio ingurune eta denbora errealak begiratzeko modu bati, teknologiaren laguntza baliatzen duena elementu birtualekin.

Ezaugarri horiek ditu, hain justu, Sekai Camera aplikazioak, eta, horren bidez, espazio birtualean dauden “ aerotag” edo etiketak koka daitezke. “ Aerotag” horiek testu-edukiak, audioak, irudiak edo bideoak izan ditzakete erantsita, eta haiek irudi errealekin konbinatzeko edo haien gainean jartzeko aukera dago.

Esate baterako, pertsona batek desfile bat grabatu dezake Madrilgo Prado pasealekuan. Ekintza horren lokalizazio geografikoa egin eta "aeroetiketa" moduan igo dezake tresna horren web-orrira. Hori egin ondoren, Prado pasealekuko leku horretatik edo gertutik igarotzen den edozein erabiltzailek entzun edo ikus dezake bere gailu eramangarrian ekintza hori kontatu, argazkian hartu edo filmatu zuen pertsonak ikusi edo entzun zuena, erabiltzaileak egun ikusten duen irudi errealaren gainean jarrita.

Informatika-programa bat da Sekai Camera, eta gailu eramangarri adimentsuetan (“ smartphones” ) soilik erabil daiteke, baldin eta Android eta iOS sistema eragileak erabiltzen badituzte (Iphone gailuek darabiltenak dira).

Programa horren bidez, edonork sor ditzake errealitate handituko edukiak, “aerotag” edo “airetiketak” erraz eta intuizioz esekiz. Gainerako erabiltzaileek eseki dituztenak ikusteko aukera dugu. Ikertu nahi dugun eremua mugatzeko filtroak adierazi behar ditugu. Irudizko distantzia bat markatu behar dugu, egun jarrita gauden lekuaren zirkunferentzia birtuala adieraziko duena.

Klik eginez gero "airetiketa" edo "aerotag" batean, hau ikusiko dugu:

• "Airetiketak" edo "aerotagak" daraman informazioa.
• Objekturaino iristeko bidea adieraziko digun mapa bat.

Horrez gain, aukera izango dugu komentarioren bat uzteko, testu-formatuan, irudi moduan, audio-formatuan edo bideoan.

Jarduera-proposamenak

Sekai Camera programa baliatuz, bi jarduera-mota egin ditzakegu ikasleekin: gure inguruko flora azter dezake batak, eta besteak, berriz, herriko garbiketa.