1. Ariketa
Ibilbidea zehaztea
Lanean hasteko, zer ibilbide egingo dugun zehaztu behar dugu lehenbizi. Itzuli
bat egingo dugu eskolaren inguruko bideetan.
Irteeraren helburua da bizi garen lekuko toki, eraikin edo eraikuntza berezi edo nabarmenak identifikatzea.
Ikasleei proposatuko diegu ideia-jasa bat egiteko itzulia egin aurretik, eta bertan esatea zer begiratu
behar duten arretaz eta zer elementu diren argazkitan jasotzekoak: udaletxea, eliza, gaztelua, dorrea, beste eraikin berezi
batzuk, plazak, iturriak, zubiak, monumentuak, eskulturak, horma-irudiak...
Hautatutako elementuak non izan daitezkeen aintzat hartuta, irteerako ibilbidea erabakiko dugu.