4. eta 5. Ariketak

Locr aplikazioa irekitzea

1. urratsa: kanpora irteteko unea da, adostutako ibilbidea egitekoa; hala, argazkian jaso nahi diren elementuak topatu eta haien argazkiak egin behar dira.

2. urratsa: elementu horren kokapen zehatza jaso behar dute, haren kokapen geografiko zehatza adierazteko ikasgelako ordenagailuan (herria, kalea eta zenbakia).

3. urratsa: Locr zerbitzurako sarbidea duen gailu eramangarri bat izanez gero, argazkiak atera eta zuzenean igoko dituzten Interneteko zerbitzarira.

Argazkia ateratzea

Argazkian jaso nahi duten elementuaren aurrean daudenean, behar adina argazki aterako dituzte.

Elementu bakoitzaren argazki bat baino gehiago ateratzea gomendatzen dugu, eta, ahal bada, ikuspegi edo angelu bat baino gehiagotik. Hala eginez gero, onenak hauta ditzakete zerbitzarira igotzeko eta elementu baten argazki bat baino gehiago igo ditzakete, ikuspegi eta xehetasun ugari emateko.

Pentsa dezagun ermita edo eliza baten argazkia atera nahi dugula. Argazkietan elizaren aurrealdea atera daiteke, edo atzealdea, absidekoa, kanpandorrea, kapiteletako apaindura-elementuak edo gargolak, barrualdeko bataiarria edo erretaula batekin, etab.

Argazki-sorta on bat ateraz gero, monumentuaren irudi osatua emango dute ikasleek.