4. eta 5. Ariketak

4. ARIKETA Elkarrizketa prestatzea

Egiten ari diren lanari buruzko azalpen txiki bat prestatu behar dute ikasleek, elkarrizketatuko duten pertsonari azaltzeko zer behar duten.
Elkarrizketatuari egin behar dizkioten galderak prestatuko dituzte ikasleek. Hautatuko lekuan gertatutako bitxikeriei edo gertakari historikoei buruzko galderak izango dira.

5. ARIKETA Audio-artxibo bat (oihartzun bat) erregistratzea.

Elkarrizketa behar bezala egiteko, haren alderdi teknologikoak zaindu behar dituzte ikasleek: elkarrizketa grabatzeko erabiliko duten gailua prestatu behar dute, nola gordeko duten erabaki, etab.

Woices programa erabiltzean, kontuan izan:

• Oihartzunak ordenagailuan, sakelako telefonoan edo mp3-ko erreproduzitzaile batean entzun daitezke, eta, noski, Woicesen web-orrian ere bai.
• Woicesen web-orriak aukera ematen du nork bere audio-fitxategiak grabatzeko. Aukera ematen du beste baliabide batzuen bidez grabatutako audio-fitxategiak igotzeko, baldin eta audio-fitxategiaren formatua MP3, WAV, AMR edo AWB bada, eta fitxategia 10 minututik beherakoa eta 10 megabyte baino txikiagoa bada.
• Halaber, ibilbideak sortzeko aukera ematen du; hau da, elkarren artean lotutako oihartzunak, gai nagusi bera dutenak. Ibilbide horiek guztiz pertsonalak dira, eta elkarren artean gertutasuna duten oihartzunak lotzen dituzte, historia, turismoa, literatura, kirolak eta abar ardatz dituztela.

Argitaratu baino lehen, editatu egin behar da ikasleak erregistratutako audioa.

Grabazio guztietan adierazi behar da elkarrizketatuaren izena, hizpide diren lekua eta gertaera historikoa, etab.

Ordenagailuan ditugun fitxategiak grabatzeko, zenbait programa erabil daitezke. Adibidez, aukera onak dira Free Sound Recorder eta Audacity programak.

Elkarrizketa gailu eramangarri batekin egiten bada eta Woices aplikazioa eskura badu, zuzenean egin daitezke erregistratzeko eta Interneteko zerbitzarira igotzeko lanak.