Ibilbidea

Zer egingo dugu?

Sekuentzia hau Lams izeneko “e-learning” ingurune batean egingo da, eta ikasleak kometa-diseinatzaileak bihurtuko dira, poligonoekin lotutako edukiak eta ezagutza geometriko batzuk lantzeko.

Zer urrats egingo ditugu?

• Hasteko, lantegian landuko dugun tresna aurkeztuko dugu, ikuspegi orokor batetik.
• Gero, jardueraren helburua eta egitura ikusiko ditugu.
• Hori egindakoan, ikaslearentzako lan-proposamena eta irakaslearentzako prestakuntza-proposamena aztertuko ditugu.
• Bakoitzak bere aldetik landu ahal izan dezan, zenbait jarduera planteatu ditugu.
• Azkenik, gelako programazioa dator.

Aurkezpena

Zer da LAMS eta zer eskaintzen digu?

Ikaskuntza Jardueren Kontrolerako Sistemaren akronimoa da LAMS (Learning Activity Management System ingelesez). Ikaskuntzarako web-ingurune bat da, software librekoa, eta banako nahiz taldekako jarduera-sekuentziak sortzeko aukera ematen du, planteamendu konstruktibistak oinarri hartuta.

Bisualki sortzen dira sekuentziak, eta oso erraza da haiek sortzea, intuizioz egin daiteke. Eredu-katalogo batean oinarrituta, jarduerak elkarrekin kateatu behar dira, eta une bakoitzean landu nahi ditugun edukiekin osatu behar dira.

Aukera ematen du eduki estatikoko jarduerak sartzeko (esaterako, Learning Objects motakoak), bai eta lankidetzako jarduerak sartzeko ere (eztabaida-foroak, eztabaidak edo wikiak).

Gainera, irakasleentzako tresnen artean jardueren garapenaren jarraipenerako atala ere badu LAMSek, ikasleen aurrerapenen jarraipena egiteko eta ikaskuntzaren ebaluazioak kudeatzeko.

Ikus dezakezuenez, baliabide berria da, oso erabilgarria, eta aukera handiak ditu.

Hori dela eta, zertan den jakiten has zaitezten proposatzen dizuegu.

LAMS jardueraren helburua eta egitura

Material honen helburua hauxe da: adibideen bidez azaltzea nola aplika daitezkeen IKTak gelan, curriculum-edukiak ikasteko eta trebetasun digitalak eskuratzeko, aurretik sortutako eduki bat erabiliz, kasu honetan LAMS sekuentzia bat.

Web-baliabide bat da, eta, beraz, ikasle guztiek LAMS plataforman sartu beharko dute jarduerak egin ahal izateko. Horregatik, denbora ezberdinetan egin daitekeen jarduera da; ikasleetako batzuk bestelako zereginetan ari diren bitartean, besteak konektatu egin daitezke, edota, bestela, etxeko lan gisa edo informatikako eskola-orduetan egin dezakete.

Azalpenak ematen dituzten pantailen bitartez, sekuentziako edukiak lantzen aurrera egingo dute ikasleek. Banaka egingo badute ere, taldekako lanak egitea ere proposatuko zaie, elkarlanean aritu daitezen. Aplikazioaren azalpen-pantailetan adieraziko zaie une bakoitzean zer egin behar duten eta zer baliabide erabili behar dituzten.

Gure helburua IKT gaitasunak espezifikoki lantzea denez, proposamenean, ikaskuntza-helburuez eta metodologia-jarraibideez gain, bereziki zehaztu da zer gaitasun digital behar dituzten ikasleek nahiz irakasleek unitatea egiteko.

Horregatik, tutorial honen helburu nagusia da irakasleari jarraibideak eta laguntza ematea, proposatutako LAMS sekuentzia prestatzerakoan eta aplikatzerakoan beharko dituen trebetasun instrumentalak, informazio digitalaren trataera eta komunikazio birtuala (IKT) ezagut eta landu ditzan.

Jarduera segida

Sekuentziak hiru jarduera ditu:

1. jarduera – Poligonoei buruzko informazioaren bila

Diapositiben aurkezpen bat izango da jardueraren oinarria. Helburua da ikasleek poligonoen elementuak ezagutzea eta aztertzea. Gero, zenbait poligono-motarekin eskema bat eta taula bat egiteko proposatuko zaie.

2. jarduera – Laukiak eta triangeluak

Proposamena da ikasleei pare bat aurkezpen erakustea; aurkezpen horietan zenbait irudi agertuko dira, eta gure eguneroko bizitzan aurki ditzakegun laukiak eta triangeluak erakutsiko dituzte. Horren ondoren, zenbait irudirekin lauki-mota batzuk eraikitzeko eskatuko zaie, eta koadernoan silueta marrazteko.

3. jarduera – Neurtzea eta ondorioak ateratzea

Hemen, loturak egin beharko dituzte eraikitako laukien eta 1. jardueran egindako eskema grafikoaren artean. Zeregina errazteko, "wiki" bat sortuko dute taldeen artean.

Irakasleentzako formazio-proposamena

* Item horiek irakasleentzako IKT prestakuntzaren “Eskola 2.0” proposamenekoak dira. Eranskin honetatik aterata daude: Mapas competenciales TIC (IKTko gaitasun-mapak).

1. Ariketa

LAMSen sartzea

Ikasgelan LAMS sekuentziak aplikatzen laguntzeko jarduerekin hasi aurretik, beharrezkoa da denbora apur bat ematea plataforman nola sartu behar den ikusten, eta plataformaren aukera nagusiak ezagutzen.

LAMSekin lan egiteko, beharrezkoa da Eskola 2.0 proiekturako gaitutako LAMS zerbitzarian sartzea. URL honetan dago: http://lams.eskola20.org/

Hasierako orrian, identifikatu egin beharko dugu, honako datu hauek sartuta:

• Nombre de usuario (Erabiltzailearen izena): eskola20

• Contraseña (Pasahitza): prototipo

LAMSen, erabiltzaileek bost profil edo rol izan ditzakete. Kudeaketa-ahalmen handienetik txikienera, hona hemen profil edo rol horiek:

• Autor/a edo egilea; sekuentziak diseinatzeko aukeretara sar daiteke.

• Administrador/a de la Clase edo eskolaren administratzailea; eskolak sortzeko eta haietara sartu ahal izango diren erabiltzaileak kudeatzeko baimena du.

• Manager de la Clase edo eskolen kudeatzailea; eskola baten barruan ikasgaiak sartzeko eta eskoletan sar daitezkeen erabiltzaileak kudeatzeko baimena du.

• Tutor/a - Monitor/a edo tutorea-monitorea; ikasgai (edo sekuentzia) baten jarraipena egiteko aukeretara sar daiteke.

• Estudiante edo ikaslea; ikasgai (edo sekuentzia) batean sar daiteke.

Profilak ez dira baztertzaileak. Rol bat baino gehiago izan dezakegu esleituta.

Gure profilaren arabera, ingurunea bistaratzerakoan aukera gehiago edo gutxiago izango dugu, ditugun baimenen baitan egongo baitira aukerak.
Sistemaren barruan izango dugun profila “Eskolen kudeatzailea” izango da, eta horri dagozkion LAMS funtzioei buruzko azalpenak emango dira behean ageri diren jardueretan.

LAMSen ongietorri-orrira sartzean, fitxa-formako bi atal handi ikusiko ditugu:

• Mi perfil (Nire profila). Plataformako gure erabiltzaile-datuetara sartzeko aukera ematen du, kontsultatu edo aldatu ahal izateko.

• Mis clases (Nire eskolak). Lehenespenez, gune hori agertzen zaigu LAMSen sartzean, eta bertan bi informazio-maila izango ditugu goitik behera eta ezkerretik eskuinera:

  • Administración de cursos y clases (Ikastaroen eta eskolen administrazioa). LAMS zerbitzariko erabiltzaileen informazioa ikusteko aukera ematen digu, baina ez dugu bertan editatzeko baimenik. Gure guneko edo eskolako erabiltzaileen kudeaketarako sarbidea ere bada: eskolaren izenean klik eginda sar gaitezke.

Aukera horietara zuzenean sar gaitezke Más opciones (Aukera gehiago) fitxaren bidez eta Gestión de clases (Eskolen kudeaketa) aukeran sartuta. (Tutorial honetako 4. jardueran azaltzen da aukera horren funtzionamendua).

• Refrescar (Freskatu), orrialdea berriro kargatu eta egin ditugun konfigurazio-aldaketak ikusteko.

• Salir (Irten), LAMS plataformatik ateratzeko.

• Gure ikasleekin landuko ditugun ikasgaiak edo sekuentziak sartzeko prestatu den eskolaren edo gunearen izena. Adibidean, gunearen izena “Contenidos Aula Digital” da.

• Agregar lecciones (Ikasgaiak gehitu). Jada sortuta dauden sekuentziak dituzten karpetak ireki ditzakegu, gure eskolan sartzeko, eta ikasleek ikusi eta landu ditzaten. (Prozedura horri buruzko xehetasunak 7. jardueran emango dira).

• Más opciones (Aukera gehiago). Goitibeherako menu bat zabaltzen zaigu, eta hor bi aukera:

  • Gestión de clases (Eskolen kudeaketa). Gure eskolako erabiltzaileen kudeaketara sartzeko aukera ematen du.

  • Buscar (Bilatu). Gure eskoletako erabiltzaileak bilatzeko tresna da.

3. Ariketa

Ikasleei eskolan alta ematea

Baliteke zentroan proiektuaz arduratzen den norbaitek urrats hori dagoeneko egin izana. Edonola ere, azalpenak emango ditugu, irakasleak LAMS lan-espazioan jarduteko autonomia handiagoa izan dezan.

Ikasleei LAMS baliabidera sartzeko baimena emateko, alta eman behar diegu zerbitzarian.

Administrar clase (Eskola administratu) leihoko aukeretatik egin dezakegu hori. Bi estekatatik sar gaitezke horra: Administración de cursos y clases, edo Mas opciones > Gestión de clases.

Administración de cursos y clases estekatik sartzen bagara, bi informazio- eta kudeaketa-maila ditugu: ikastaroak eta eskolak.

Estekan klik eginez bistaratzen den pantailan lehenengo maila agertzen zaigu; hau da, alta emanda gauden ikastaroen zerrenda.

Adibidean “Contenidos Aula Digital” izeneko ikastaroa soilik dugu, baina beste ikastaro edo gune batzuetarako sarbidea bagenu, zerrendan agertuko lirateke haiek ere.

Maila horretan, gure “Eskoletako kudeatzaile” profilarekin, ez dugu erabiltzaileak kudeatzeko baimenik.

Ikastaroari lotutako eskoletara sartzeko (bigarren informazio-mailara), ikastaroaren izena duen estekaren gainean klik egin behar dugu. Adibidean, “Contenidos Aula Digital” izenekoaren gainean.

Hartara, eskolak kudeatzeko pantailara sartuko gara.

Pantaila honetara sartuko gara zuzenean Mas opciones > Gestión de clases botoian sakatuz gero.

Ikastaroa deskribatzen duen informazioa bistaratzeaz gain (nahi izanez gero, Editar > Contenidos Aula Digital aukeratik edita dezakegu informazio hori), gunea kudeatzeko bi aukera ere ematen zaizkigu:

• Administrar usuarios (Erabiltzaileak kudeatu); eskolako erabiltzaileei alta eta baimenak emango dizkiegu bertatik.
• Crear un nuevo grupo (Talde berria sortu); aukera erabilgarria da gure LAMS gunean azpitaldeak sortu nahi izanez gero, sekuentzia eta baliabideetan sartzen diren ikasleak taldeka antola baititzakegu.

4. Ariketa

Sekuentziari (edo ikasgaiari) ikasleak esleitzea

Sekuentzia hautatuta dugunean eta ikasleak alta emanda daudenean, azken urratsa falta zaigu ikasleek landu nahi dugun baliabidera izango duten sarbidea konfiguratzeko: landuko dugun ikasgai edo sekuentziara esleitzea.

Ikasgaiaren jarraipena egiteko balio duen Seguimiento funtzioaren aukerak erabiliz egingo dugu. Hara sartzeko esteka ikasgaiaren izenaren eskuinean dago.

Estekaren gainean klik egiten badugu, leiho berri bat irekiko da, eta hiru fitxa ikusiko ditugu bertan: Lección, Secuencia eta Estudiantes.

Hurrengo jardueretan ikusiko ditugu haietako bakoitzaren funtzioak.

Oraingoz, Lección pantailan geratuko gara, hori baita lehenespenez agertzen dena.

Ikasleak ikasgaira esleitzeko lana bigarren blokeko aukeretatik egingo dugu. Hain zuzen, Editar clase (Eskola editatu) aukeran egin behar dugu klik.

Hori eginda, irekita zegoen leihoaren gainean beste leiho bat irekiko zaigu, eta bertan, ikastaroan alta emanda dauden erabiltzaileak bistaratuko dira (3. jarduera), Tutorea profila eta Ikaslea profila dutenak.

Leiho berri horretan, sekuentziara edo ikasgaira sartzea nahi dugun erabiltzaileen laukitxoa markatuko dugu.

Guztiak aukeratutakoan, Guardar botoian egingo dugu klik.

Aldaketak berresteko, klik egin beharko dugu Aplicar cambios (Aldaketak aplikatu) aukeran.

Ikasleak nola esleitu diren ikusteko, klik egin dezakegu Ver estudiantes (Ikasleak ikusi) aukeran.

Hartara, ikasleen zerrenda eguneratua duen leiho bat zabalduko zaigu.

Blokeko gainerako aukerei dagokienez, bereziki interesatzen zaiguna Cambiar status (Egoera aldatu) aukera da: sekuentzia edo ikasgaia zer egoeratan dagoen adierazteko aukera ematen du. Lehenespenez, aukera aktibatuta eta eskuragarri dago ikasle guztientzat, baina beste egoera batzuk ezar ditzakegu:

• Deshabilitar (Desgaitu), ikasleek oraindik sarbiderik izan ez dezaten.
• Archivar (Artxibatu), ikaskuntza-sekuentzia landu ostean, sekuentzia ikasleen jarraipenaren emaitzekin batera gordeta uzteko.
• Borrar (Ezabatu), sekuentzia edo ikasgaia ezabatzeko, bai eta harekin lotutako jarraipen-informazio guztia ere.

5. Ariketa

Sekuentzia baten diseinua ikustea

LAMS sekuentziak nola planteatuta dauden eta sekuentziek nola funtzionatzen duten ikusteko, haien diseinua ezagutzeko balioko digun jarduera bat proposatzen dizuegu. Ez dugunez egilearen profila, ezin ditugu editatu, baina aukera dugu kontsultatzeko.

Gauden leihotik atera gabe, alegia, Seguimiento pantailan jarraituta (4. jarduera), klik egingo dugu goiburuko Secuencia fitxan.

Pantaila bat agertuko da, erdialdean sekuentziaren eskema erakusten duena.

Eskemak informazioak eta ikasleek egin beharreko jarduerak erakusten dizkigu:

Eskemako laukietan bi klik eginez, jarduerei buruzko informazioa eskuratuko dugu.

Lehenespenez, Sumario fitxa zabalduko zaigu. Ikasleek jardueraren aurkezpen gisa ikusiko duten informazioa agertzen da, eta orrialdearen amaieran, ikasleen jardueraren jarraipenari buruzkoestatistikak . Informazio hori azken fitxan ere agertzen da.

Instrucciones (Jarraibideak) fitxan, sekuentziaren egileak sekuentzia aplikatzeko emandako azalpenak irakurri ahal izango ditugu, horrelakorik egin badu. Litekeena da informaziorik ez egotea maila horretan.

Editar actividad (Jarduera editatu). Aukera ematen digu aldaketak egiteko jardueraren pantailako testuan edo maketazioan, egilearen profila badugu LAMSen. Orain dugun profilarekin ezinezkoa da.

Leihoa itxi eta Secuencia pantailara itzultzen bagara, ikusiko dugu beste aukera eta informazio batzuk ere baditugula.

Orrialdearen goiburuan, lau botoi ditugu:

• Edición en vivo (Zuzeneko edizioa). Sekuentzia diseinatzeko gunera sartzen da, jardueraren edukia aldatzeko, bai eta sekuentziaren egitura aldatzeko ere, horrela nahi bada. Gure profilarekin, sartzeko aukera badugu bai, baina irakurtzeko baimena dugu soilik, eta ezin izango dugu ezer aldatu.

• Exportar portafolio (Dokumentu-zorroa esportatu). .zip karpeta bat sortzen du, ikasle bakoitzak egindako jarduera bakoitzean emandako erantzunekin edo egindako lanarekin.

• Refrescar (Freskatu). Pantaila eguneratzen du, datuetan aldaketarik egin bada.

• Ayuda (Laguntza). LAMSeko online laguntza-orrialdeetara sartzeko balio du (ingelesez daude).

Orri-oinean, ikasleek sekuentziaren garapenean izan duten bilakaera ikusi ahal izango dugu.

6. Ariketa

Sekuentzia ikasle gisa ikustea

Jarduera bakoitzaren prestaketak azaltzeari ekin aurretik, uste dugu interesgarria dela ikasleak jarduera nola ikusiko duen jakitea. Gainera, ingurunea ezagutu behar dugu, gure ikasleei bertan ibiltzen laguntzeko eta nola funtzionatzen duen erakusteko.

Horretarako, “Estudiante prueba” edo probarako ikaslea izeneko erabiltzailea sor dezakegu. 3. jardueran ikasleei eskolan alta emateari buruz azaldutako prozedura jarraituko dugu.

Rolak esleitzerakoan, ikaslearen rola bakarrik esleituko diogu.

Saioa itxiko dugu (pantaila nagusiko Salir aukeran klik eginda), eta berriro sartuko gara LAMSen (1. jarduera), sortu dugun erabiltzaile-izenarekin eta pasahitzarekin.

LAMS plataformak ikasleentzat duen ongietorri-orria pixka bat ezberdina da; izan ere, alta emanda dagoen sekuentzia edo ikasgaietara (erakutsi den adibidean bi daude) eta bere profilaren konfigurazio-aukeretara (Mi perfil fitxa) soilik sartu ahal izango da.

Sekuentzian sartzeko, "Poligonoen elementuak eta sailkapena" izenburuan klik egingo dugu.

Hasi besterik ez garenez egin, sekuentziaren aurkezpen-pantaila bistaratuko da; baina lanean jarduten dugun heinean, azken konexioan utzitako pantaila bistaratuko da sartzean.

1. Jarduera: poligonoen inguruko informazioa bilatzea

Jardueraren deskribapena

Lehenengo jarduera banaka egiteko da; diapositiben aurkezpen batekin lan egitea proposatuko zaie ikasleei. Gero, taldeka egiteko jarduera bat egongo da, eta poligonoak eta haien elementuak ezagutu beharko dituzte.

7. Ariketa

Compartir Recursos y Foro (Baliabideak eta Foroa konpartitu) tresna ezagutzea eta erabiltzea

Jarduera hau egin ahal izateko, ikasle gisa sartu beharko dugu sekuentziara.

Horretarako, 6. jardueran sortu dugun probarako ikaslea izeneko erabiltzailea erabil dezakegu, esaterako. Badugu beste aukera bat ere: gure erabiltzaileak “Ikasle” nahiz “Tutore” rolak baditu, nahikoa da Mis clases pantaila nagusian sekuentziaren estekan klik egitea sartzeko.

Sekuentziako jardueretan aurrera egingo dugu, "Actividad 1. Observando a nuestro alrededor" edo "1. jarduera. Gure inguruari begira" izenekora iritsi arte.

Recursos Compartidos y Foro jarduerak aukera ematen die ikasleei iruzkinak egiteko emandako baliabideetan oinarritutako foroetan.

Baliabidera sartzeko, orrialde nagusira joango gara eta Polígonos (Poligonoak) estekan klik egingo dugu.

Automatikoki, pantaila berri bat zabalduko da, baliabidearen edukia bistaratzen duena. Kasu honetan, PDF formatuko fitxategi bat da. Dokumentuaren eduki osoa ikusteko, menuko geziak erabiliko ditugu, goiko aldean daudenak.

Ordenagailuko pantaila bi leiho irekita edukitzeko moduan antolatuko dugu: batean aurkezpena izango dugu, eta bestean ikasleentzako sekuentziaren pantaila. Anotaciones aplikazioa irekiko dugu, eta gure oharrak erregistratutako ditugu, aurkezpena ikusten dugun bitartean. Gero, Guardar cambios (Aldaketak gorde) aukeran klik egingo dugu, eduki berriak gordetzeko.

Eztabaida asinkroniko batean parte hartzeko unea da orain. Aukeratu proposatutako eztabaida-harietako bat, eta egin klik hari dagokion estekan, foroa erabiltzen hasteko.

Automatikoki, pantaila berri bat zabalduko da. Pantaila horretan, foroari egindako ekarpenak agertuko dira, eta beheko aldean, Editar, Responder eta Volver a lista de hilos botoiak agertuko dira.

Responder botoian klik eginda, leiho berri bat zabaltzen da, eta editagarriak diren eremuak azaltzen dira:

• Asunto (Gaia); eztabaida-hariaren izenburua edo enuntziatua.
• Mensaje (Mezua); eztabaidatu beharreko gaia testuinguruan jartzeko testu laburra edo galdera.

Mezua talde osoari bidaltzeko, egin klik Enviar botoian.