13. Ariketa

LAMSeko jarraipen-tresnak ezagutzea eta erabiltzea

Azkenik, irakasleek erabiltzen jakin behar duten azken LAMS baliabidea ikasleen ikaskuntzaren jarraipena egitekoa da.

Funtzio horretara sartzeko, Mis clases ataleko pantaila nagusira jo behar da, Seguimiento estekara.

Beste leiho bat zabalduko zaigu, eta han, Secuencia eta Estudiantes fitxetan aurkituko ditugu ikasleen jarraipena egin ahal izateko aukerak.

Secuencia aukeran, ikasgaiaren diseinuaren eskemaren gainean, ikasleak sekuentziaren garapeneko zer puntutan dauden ikus dezakegu, denbora errealean.

Ikono zuri batzuek ordezkatzen dituzte ikasleak. Jardueraren koadroaren gainean daude, eta haien gainean sagua pasatuz, ikaslearen izena agertzen da. Ikonoan klik egin eta hura arrastatuz, ikasle jakin bat jarduera batetik bestera pasaraz dezakegu.

Beste aukera bat ere badugu: ikaslea sekuentzia amaitzera gonbidatzea, ikonoa ikasgaia amaitu duten ikasleak dauden lekura arrastatuta.

Estudiantes fitxan, ikasle bakoitzak sekuentziari egin dion banako jarraipenaren ikuspegia dugu. Sekuentziaren eskeman, lerro horizontaletan, ikasle bakoitzak aurrera zenbat egin duen ikus dezakegu, eta zer puntutan dagoen une horretan.

Ikonoek hau adierazten dute:

	Burututako jarduerak.
	Une honetan lantzen ari garen jarduera.
	Oraindik egin gabe dauden jarduerak.

Pantaila horretatik ikasle bakoitzaren lanaren jarraipena egin daiteke, zenbait baliabide erabilita.

Kontsultatu nahi dugun burututako jarduera baten ikonoaren gainean bi klik eginez gero, ikasleak ataza horretan emandako erantzunak edo emaitzak ikusi ahal izango ditugu.

Ikasle jakin baten erantzunen laburpena ere deskarga dezakegu. Horretarako, erregistro bakoitzean dagoen Exportar portfolio aukera erabiliko dugu.

Eta Ver gráfico de tiempo (Ikusi denboraren grafikoa) fitxan, ikasle bakoitzak jarduera bakoitza egiten emandako denbora ikus dezakegu, bi formatutan:

• ikasgaiari guztira emandako denborarekiko,

• jarduera bakoitzeko denbora zehaztuta duela.

Ikasle guztiek sekuentzia amaitu dutenean, taldearen denbora-grafiko globala ere kontsultatu ahal izango dugu. Horretarako, orriaren goiburuko Ver gráfico… botoian klik egin beharko dugu.

Anotaciones botoian, ikasleek sekuentzia egiterakoan beren oharren atalean sartutako informazioak kontsultatu ahal izango ditugu.