12. Ariketa

LAMSen wiki bat sortzeko aukerak ezagutzea eta erabiltzea.

Jarduera hau egin ahal izateko, ikasle gisa sartu beharko dugu sekuentziara.

Horretarako, 6. jardueran sortu dugun probarako ikaslea izeneko erabiltzailea erabil dezakegu, esaterako. Badugu beste aukera bat ere: gure erabiltzaileak “Ikasle” nahiz “Tutore” rolak baditu, nahikoa da Mis clases pantaila nagusian sekuentziaren estekan klik egitea sartzeko.

Sekuentziako jardueretan aurrera egingo dugu “Actividad 3: cierre entre todos" edo "3. jarduera: guztion artean ixtea” izenekora iritsi arte.

Sortuta dagoen orri bat editatzea

Orrialde nagusian sartu, eta klik egingo dugu goiburuko Editar estekan.

Automatikoki, pantaila berri bat irekiko da; orriaren edukia ikusiko da bertan, eta beheko aldean testu-editorea eta testuaren ediziorako leihoa egongo dira.

Orain, kurtsorea edizioko gunean kokatu, eta orriaren edukietan nahi ditugun aldaketak egin ditzakegu.

Editoreko tresnak erabiliko ditugu horretarako:

Tresna hauek ditugu, ezkerretik eskuinera:

• Aurretiko bista
• Word dokumentu batetik kopiatutako testua itsatsi
• Desegin | Berregin
• Lodia | Etzana | Azpimarratua
• Azpiindizea | Goi-indizea
• Bulet zenbakidunak | Bulet puntudunak
• Letra-tipoa (letra-tipoa, tamaina, kolorea, lerrokadura)
• Txikitu koska | Handitu koska
• Lerrokadura: ezkerrean | erdian | eskuinean | justifikatua
• Wikiko beste orri baterako esteka edo lotura bat txertatu
• Kanpoko lotura edo esteka bat txertatu
• Irudiak txertatu
• Ekuazio bat txertatu
• FCKeditor editoreari buruzko laguntza
• Testuaren kolorea
• Testuaren atzealdearen kolorea
• Taula bat txertatu
• Bereizte-lerroa txertatu
• Aurpegierak txertatu
• Ikur bereziak txertatu

Wikiko beste orri baterako lotura txertatu

Editorearen ikonoak gure wikiko beste orri baterako esteka egiteko aukera ematen digu. Esteka egin ahal izateko, ezinbestekoa izango da aurretik beste orri batzuk sortu izana. Orriak Wiki page eremuko goitibeherako menuan agertuko dira. Aski izango da nahi dugun orria aukeratzea: esteka hautatuta dugun testuan edo objektuan txertatuko da, editatzen ari garen orriaren edukian.