12. Ariketa

Kanpoko web-orri baterako esteka txertatzea

Prozedura aurrekoaren berdina izango da. Kurtsorea esteka izatea nahi dugun orriko testuaren edo objektuaren gainean jarriko dugu, eta editorearen ikonoan klik egingo dugu.

Nahi dugun orriaren URLa zehazten badugu, testuan txertatuko da esteka lotura aktiboarekin.

Irudi bat txertatzea

Ikonoak irudiak txertatzeko aukera ematen digu.

Gure wikia online sortzen eta ikusten denez, Interneteko irudiak txertatzeko, nahikoa da haien URLa adieraztea.

Hortik aurrera, asmoa da talde bakoitzari bere wikia sortzeko prozesuan laguntzea, bakoitzaren beharraren arabera: programaren funtzioei buruzko argibide instrumentalekin; testua antolatzeko edo multimedia-formatua zaintzeko orientabideekin; edota taldekide bakoitzak egin beharreko lanaren inguruko jarraibideekin, elkarren artean behar bezala antolatu ez badira.

Orri berriaren edukia editatu ahal izango dugu jada, editoreak emandako aukerez baliatuta.

Ez ahaztu Guardar cambios aukeran klik egitea, editatutako orriko eduki berriak gordetzeko.

Orriaren beheko aldean bistaratuko zaizkigu wikian erantsitako orriak, izenburuaren aurretik dagoen ikonoan klik eginez. Orrietara jotzeko, aski da izenaren gainean klik egitea.