6. Ariketa

Ikaslearentzako sekuentzia-pantailan, zenbait informazio-atal daude:

1. Nabigazio-aukeren eta informazioa deskargatzeko aukeren blokea:

• Continuar (Jarraitu); aurreko jardueretara sartuz nabigatu badugu sekuentzian (2. atala), aukera horretan klik egitean, landu behar dugun jarduerara joango gara.
• Salir (Irten); sekuentziaren leihoa ixten du.
• Exportar (Esportatu); Seguimiento de la secuencia funtzioan dokumentu-zorroa esportatzeko aukera markatu badugu agertzen da (4. jarduera). Ikasleak une horretara arte egin dituen sekuentziako jardueretako emaitzak biltzen dituen .html dokumentua sortzeko aukera ematen du.

2. Sekuentziaren eskema. Egin behar dituen jarduerak eta jada egin dituenak ikus ditzake ikasleak. Izenburu bakoitzaren gainean bi klik eginez, jardueraren pantaila ireki dezakegu, bertako edukiak edo gure erantzunak gogoratzeko. Egindako jardueretara soilik sartu ahal izango gara, jakina. Ezin izango da egin gabe dauden jardueretara sartu.

Eskemako ikonoek adieraziko digute sekuentziaren zer fasetan gauden:

	Burututako jarduerak.
	Une honetan lantzen ari garen jarduera.
	Oraindik egin gabe dauden jarduerak.

3. Anotaciones (Oharrak); funtzio hau beti ageri da pantailan, eta ikasleak saioan lanean diharduen bitartean oharrak editatzeko duen gunea da.

Izenburuaren gainean klik eginez, goitik behera irekiko zaigu ediziorako gunea.

Editatu ondoren, Guardar botoian egin behar dugu klik.

Ver todos (Guztiak ikusi) aukeran klik eginez, oharren historikoa kontsultatu ahal izango dugu, eta haiek editatzeko edota beste batzuk sartzeko aukera izango dugu.

4. Egin beharreko jardueraren informazio- edo azalpen-testua.

5. Hurrengo jarduerara igarotzea (Finalizar).

LAMS ingurunearekin eta sekuentzien aurkezpenarekin trebatu garenez, jardueraz jarduera azaltzen joango gara nola prestatuko ditugun sekuentziak, eta nola aurkeztuko dizkiegun ikasleei.