• Seleccionar (Hautatu) tresnak

  
  bi gauzatarako balio du:

  • Pantailan dugun objektuaren aldeak eta/edo lerroak banaka hautatzeko, edo hainbat forma batera hautatzeko. Hainbat forma batera hautatu nahi baditugu, pantailaren alde batean klik egin eta sagua botoia askatu gabe arrastatu behar dugu nahi dugun tokiraino. Objektu-multzo bat hautatzeko edo hautaketatik kentzeko beste modu bat “Ctrl” tekla sakatuta edukitzea da.

  • Tresna bat hautaketatik kentzeko. Adibidez, arkatza erabiltzen ari bazinen, baina ez baduzu erabiltzen jarraitu nahi, "hautatu" botoian klik dezakezu nahi gabe ezer ez marrazteko.
• Línea (Lerroa)

  

  tresnak aukera ematen du lerro zuzenak marrazteko zenbait norabidetan. Luzera jakin bateko lerro bat sortu nahi baduzu, tresna hori hautatu, marrazten hasi eta pantailaren behealdean eskuinean dagoen angelura begiratu behar duzu. Han ikusi ahal izango duzu zer luzera duen zure lerroak

  

  , eta moztu edo luzatu egin ahal izango duzu.

Zure lerroak luzera jakin bat izatea nahi baduzu, eta iruditzen bazaizu zaila dela saguaren erakuslea arrastatuz egitea, teklatuaren bidez zer luzera nahi duzun idatz dezakezu. Zenbaki hamartarra bada, "koma" erabili beharko duzu, ez puntua, eta gero Enter (Sartu) tekla sakatu. Idatzi duzun zenbakia pantailaren behealdean eskuinean dagoen angeluan agertuko da:

• Rectángulo (Laukizuzena)

  

  tresnak aukera ematen du karratu/laukizuzen bat marrazteko. Horretarako, pantailako tokiren batean klik egin eta erakuslea arrastatu behar duzu. Erakuslea arrastatzean, egin nahi duzun karratuak edo laukizuzenak zer tamaina izango duen ikusi ahal izango duzu, pantailaren behealdean eskuinean dagoen izkinan:

  

  .
• Borrador (Ezabagailua)

  

  tresnak objektuak edo entitateak ezabatzen ditu gainean klik eginez gero. Gorputz baten alde bat edo gainazala ezabatzeko, lehenengo hautatu egin beharko duzu Seleccionar (Hautatu) tresnarekin (puntutxoekin margotuta egon behar du), eta gero Delete, Supr edo ezabatu tekla sakatu, zure teklatuaren arabera.
• Medir (Neurtu)

  

  tresnak distantziak neurtzen ditu, eta lerro eta puntu gidariak sortzen ditu. Objektu baten distantzia edo luzera jakin bat neurtzeko, neurketaren hasierako puntuan klik egin behar da, gero erakuslea mugitu, eta, azkenik, berriro klik egin neurketa amaitzen den tokian.
• Pintar (Margotu)

  

  tresnak koloreak eta materialak esleitzen dizkie objektuei. Prozesuaren zati "dibertigarria" da, egindakoa margotu baitezakezu. Tresna hautatzean, leihotxo bat azalduko zaizu, eta testurak eta koloreak aukera ditzakezu bertan. Editar (Editatu) aukeran, hautatutako testuraren gardentasuna eta kolore-tonalitatea alda ditzakezu.