1 Ariketa. Etxebizitzaren moldaketa

Irakasleak hasierako egoera bat aurkeztuko du. Egoera horrek testuinguru bat emango die ikasleei arkitektoaren lekuan jartzeko, eta, beraz, benetako lanbide batetiko enpatia-jarrera bultzatuko dugu haiengan. Egoera hori baztertu, aberastu edo aldatu egin dezake irakasleak, egokia iruditzen bazaio.

Arkitektura-estudio bat dago ikastetxetik gertu, eta bi arkitektok egiten dute lan bertan. Arkitektoek Japoniara joan behar dute egun batzuetarako, eta, horregatik, LHko bosgarren mailako ikasleei utziko diete lan batzuen ardura. Haien bezeroen eskariez arduratu beharko dugu.

Lehenengo bezeroa Rosa García andrea da. Bere etxebizitzaren planoa ekarri du zenbait aldaketa egiteko:

• Logela bat gehitu nahi du; izan ere, 2 urteko neskatxo bat du, eta bere logela izan dezan nahi du.

• Bezeroak onartu du etxeko esparru batzuk txikitzea, baina ez du sukaldea eta bainugela txikitzerik nahi.

Prestaketa-lanak: Google SketchUp ezagutzen - oinarrizko tresnak erabiltzea.

Jarduera honetan Google SketchUp programa erabili beharko dugunez, prestatuta egoteko, programaren oinarrizko tresnak landuko ditugu. Horrez gain, beharrezkoa izango da irakasleak fitxategi bat sortzea aurrez; "García andrea.skp" (Sra García.skp) izena jar diezaioke. Fitxategian ikasleek aldatu beharreko planoaren diseinua egongo da. Gero, ordenagailuetan kargatu beharko du irakasleak fitxategia, edo ikasleei eskatu beharko die kargatzeko.

Zer da Google SketchUp? Hemendik aterata:http://es.wikipedia.org/wiki/Google_SketchUp 3Dn diseinatzeko eta modelatzeko programa informatiko bat da, eta ingurune arkitektonikoetan, ingeniaritza zibilean, bideo-jokoetan edo filmetan erabiltzen da. Googlek sortu eta argitaratu du programa. Espazio bateko bolumen eta forma arkitektonikoak berehala kontzeptualizatzeko balio du tresna honek. Gainera, sortutako eraikinaren geo-erreferentziak zehaztu daitezke, eta Google Eartheko irudien gainean jarri. . Bestalde, modeloak sarera igo daitezke programarekin, eta zuzenean datu-basean gorde. Googlek lan-proiektu bat hasi zuen nerabezaroan sartzera zihoazen gaztetxoekin, tresna hau erabiltzeko interesa pitz zekien. Deskargatu Google SketchUp programa hemendik: http://sketchup.google.com/

• Lehenik eta behin, programa deskargatu eta instalatu beharko da:

  

  . Behin instalatutakoan, fitxategi berri bat sortuko dugu, eta bertan planoa marraztuko dugu, ikasleek erabiliko duten lehenengo inputa. Horretarako, lehenengo tresnak erabiltzen ikasiko dugu, marrazten dugun bitartean.

Lehenengo tresnak

• Google SketchUp programa irekitzean, ongietorri-leiho bat aktibatuko da, eta txantiloia aukeratu ahal izango dugu bertan. Gure kasuan, Plantilla de aprendizaje básico – Metros (Oinarrizkoa ikasteko txantiloia - metroak) aukeratuko dugu, eta, gero, saguarekin klik egingo dugu Empezar a utilizar SketchUP: (SketchUP erabiltzen hasi) aukeran.

Google SketchUp. Programako “morroia” aktibatzea