2. Ariketa: mosaiko nazariarrak eraikitzen

Interneten mosaiko nazariarrei buruzko informazioa bilatzeko eskatuko die irakasleak ikasleei (ez bada jarduera aurrez egin behintzat), eta beren lanerako gutxienez ere bi diseinu aukeratzeko eskatuko die. Ezagunenak hauek dira: hezurra, petaloa, hegazkina, ziri-gainazala, tximeleta-begizta, eta arrain hegalaria. Dena den, irakasleak haietako batzuk egitea proposa dezake, gero azalera kalkulatzeko formulak ateratzeko. Horretarako, hezurra eta hegazkina egitea proposatzen dugu, eta hemen dituzue adibideak.

Prestaketa-lanak: Google SketchUp: hezur eta hegazkin nazariarrak eraikitzea

HEZUR NAZARIARRA eraikitzea Hezurra egiteko, lehendabizi fitxategi berri bat irekiko dugu Google SketchUpen, eta karratu bat marraztuko dugu. Línea (Lerroa) tresnarekin, karratuaren kontrako aldeetako erdiko puntuak elkartzen dituzten zuzenkiak marraztuko ditugu. Izan ere, ikusi ahal izango duzuenez, tresna zuzenki baten gainetik pasatzean, puntu urdin argi bat markatzen du, eta karteltxo bat agertzen da, erdiko puntua dela adierazten duena. Hartara, lauki-sare bat izango dugu, eta karratutxoak azalera-unitate gisa erabili ahal izango dira. Aurreko jardueretan azaldu dugun moduan ere egin daiteke lauki-sarea.

Google SketchUp. Karratu batean lauki-sare bat eraikitzea.

Erdiko puntuak erabiliz, erraz egin daiteke 64 karratutxotako lauki-sarea (8 zati alde bakoitzean). Gero karratu bat egin behar da lauki-sarearen barruan (gure kasuan, 4 x 4koa). Horrek erraztu egingo die ikasleei hezur nazariarra egitea, ez baitute neurketarik egin beharko edota programako beste tresnarik erabili beharko. Dena den, irakasleak erabaki beharko du adierazitako prozeduretatik zein den egokia.

Google SketchUp. Hezur nazariarra eraikitzen hastea

• Orain karratutik kenduko ditugun trapezioak markatuko ditugu, eta barruan marraztu dugun karratuaren goiko eta beheko aldeetan gehituko ditugu.

Google SketchUp. Hezur nazariarra eraikitzea

• Orain marrazkia osatzea eta soberan dauden elementuak ezabatzea baino ez da falta hezur nazariarra egiteko.

Google SketchUp. Hezur nazariarra

• Hurrengo pausoa hezurrarekin planoa teselatzea izango da. Horretarako, aurreko jardueran adierazitakoaren antzeko prozedura jarraituko dugu (irudia kopiatu, biratu eta mugitu).

Google SketchUp. Teselatua hezur nazariarrarekin

HEGAZKIN NAZARIARRA eraikitzea Hegazkina eraikitzeko aurrekoaren antzeko prozedura erabiliko dugu, karratuan egindako lauki-saretik abiatuko baikara.

• Aldeetako batean moztuko ditugun triangeluak markatuko ditugu, gero bestean gehitzeko.

Google SketchUp. Hegazkin nazariarra

• Hegazkin nazariarrarekin teselatzean, mosaikoak honen antzeko itxura izango du:

Google SketchUp. Teselatua hegazkin nazariarrarekin