2.Ariketa: Azalerak kalkulatzen

"Metro koadro" nozioa eta azalerak kalkulatzeko modua indartzeko beste jarduera bat proposatuko diegu ikasleei. Azpimarratu beharra dago jarduera honek baduela desberdintasun bat aurreko proposamenekin alderatuta; konplexutasuna handiagoa dela. Izan ere, esparruak era egokian banatu behar dira, eta, aldi berean, etxebizitzaren kokalekua optimizatu behar da gainazal batean.

Prestaketa-lanak: Google SketchUp programako tresna gehiago: laukizuzenak sortzea eta lan-eremuan mugitzea.

• Hasteko, fitxategi bat irekiko dugu Google SketchUp programan eta Plantilla de aprendizaje básico – Metros (Oinarrizkoa ikasteko txantiloia - metroak) aukeratuko dugu. 5m x 3m-ko logela marraztu behar dugu, eta, horretarako, Rectángulo (Laukizuzena)

  

  tresna hautatuko dugu. Tresna horrekin karratu/laukizuzen bat marraztu daiteke, pantailako tokiren batean klik egin eta erakuslea arrastatuta.
• Erakuslea arrastatzean, egin nahi duzun karratuak edo laukizuzenak zer tamaina izango duen ikusi ahal izango duzu, pantailaren behealdean eskuinean dagoen izkinan:

  

  .

Sagua arrastatzean nahi dugun tamainaraino handi dezakegu laukizuzena, baina modu hori ez da batere zehatza, eta badago beste modu bat. Ikus dezakezuenez, laukizuzenaren dimentsioak puntu eta komaz bereizita daude.

Horrek esan nahi duena da, berriro klik egiten badugu laukizuzena sortu nahi dugula baieztatzeko, laukizuzenak dimentsio horiek izango dituela.

• Guk 5m x 3m-koa izatea nahi dugu. Beraz, pantailako punturen batean klik egin (azaltzen den ardatz-sistemako koordenatu-jatorrian izan daiteke), eta nahi ditugun dimentsioak idatziko ditugu.
• Lehendabizi sakatu 5 zenbakia, gero punto y coma (puntu eta koma) (Shift+ [coma]) eta, azkenik, 3 zenbakia. Enter (Sartu) sakatzean, logelarako erabiliko dugun laukizuzena izango dugu. Behin laukizuzena egindakoan, margotu egin dezakegu, eta “LOGELA” (DORMITORIO) idatz dezakegu bertan.

Google SketchUp. Laukizuzenak sortzea

Aurrera egin baino lehen, lan-eremuan nola mugitu azalduko dugu; oinarrizko lau tresna hauek erabiliz egin daiteke:

1. Orbitar (Orbitatu) tresna: modeloaren inguruan biratzen du kamera edo ikuspegia, marrazteko areako edozein puntutan klik egin eta kurtsorea norabide batean mugituz gero. Tresna hau aktibatzeko beste modu bat

   

   tekla sakatzea da.
2. Desplazar (Korritu) tresna: kamera edo ikuspegiaren posizioa aldatzen du, baina ez norabidea. Marrazteko areako edozein puntutan klik egin eta kurtsorea norabide batean mugitu behar duzu. Tresna hau aktibatzeko beste modu bat

   

   tekla sakatzea da.
3. Zoom (Zoom) tresna: kamera edo ikuspegia marrazkira hurbildu edo marrazkitik urruntzen du. Marrazkiko edozein puntutan klik egin eta sagua sakatuta eduki behar duzu. Kurtsorea gorantz mugitzen baduzu, irudia handitu egingo da (hurbildu), eta beherantz mugitzen baduzu, berriz, txikitu (urrundu). Tresna hau aktibatzeko beste modu bat

   

   tekla sakatzea da; tekla hori sakatzean, saguaren scrolla erabil daiteke irudia errazago hurbiltzeko eta urruntzeko.
4. Ver modelo centrado (Ikusi modeloa erdian lerrokatuta) tresna: hedatzeko zooma da, eta marrazki osoa pantailara egokitzeko erabiltzen da, aurrez egin dugun moduan. Tresna hau aktibatzeko beste modu bat hauek sakatzea da:

   

   +

   

   +

   

   .

Tresna horiek asko erabiltzen dira, eta erosoena teklatuko lasterbideak ikastea da.