2. Ariketa: Nire logela 3D-n

Irakasleak honako jarduera hau proposatuko die ikasleei:

Arkitektoak oso gustura daude estudioan egindako lanarekin, eta zure gela 3Dn diseinatzea proposatu dizute. Horretarako, kontuan izan beharko duzu zein den irekidurak eta altzariak jartzeko toki egokia.

Zure benetako logela neur dezakezu, zure ametsetako logela diseinatzeko oso lagungarria izango baita.

Prestaketa-lanak: Google SketchUp: gorputz bati bolumena ematea

Etapa honetan Google SketchUpeko beste tresna batzuk erabiltzen ikasiko dugu. Izan ere, logela diseinatzeko, beharrezkoa izango da gorputz bati bolumena ematea.

Programa ireki eta hauxe aukeratuko dugu: Plantilla sencilla - Metros (Txantiloi erraza - metroak). Espazioaren 3 ardatzak ikusiko ditugu (altuera, zabalera eta sakonera; urdina, gorria eta berdea). Koordenatu negatiboetan, ardatzak kolore bereko lerro etenez marraztuta daude:

Google SketchUp. Txantiloi erraza metrotan

Laukizuzen bat marraztuko dugu, logela irudikatzeko. Gogoratu teklatu bidez sar ditzakegula dimentsio zehatzak. Hori egindakoan, bolumena emango diogu.

Horretarako, Empujar/tirar (Bultza egin / tira egin)

tresna erabiliko dugu; tresna horrek irudiei bultza edo tira egiteko balio du, eta, hartara, bolumena eman edo ken daiteke hiru dimentsioko modeloetan. Hauek dira emango ditugun pausoak:

Laukizuzenaren gainean jarriko gara, gainazal guztia puntutxo urdin batzuekin argitu arte.
Laukizuzenean klik egingo dugu. Sagua gorantz mugitzen badugu, laukizuzena zabaldu eta hiru dimentsioko gorputz bihurtzen dela ikusi ahal izango dugu. 2,5 metroko altuera emateko, adibidez, sakatu 2 zenbakia, gero koma (,) eta azkenik 5 zenbakia. Ez dago zabalera eta sakonera zehaztu beharrik, laukizuzenarekin zehaztu baititugu.
Sakatu Enter (Sartu).

Google SketchUp. Hiru dimentsioko gorputza

Gure logelak benetan guk nahi dugun altuera duela egiaztatzeko, Medir (Neurtu)

tresna erabiliko dugu. Neurtu nahi dugun zatiaren hasieran klik egin behar da, gero kurtsorea mugitu, eta, azkenik, zatiaren amaieran berriro klik egin.

Google SketchUp. Hiru dimentsioko gorputzak neurtzea

texto_enlaces_pie_autor

texto_enlaces_pie_copyright

Laguntza

Ezkerreko Menua (goitik beherako ordenean): ikastaroaren orrialde nagusiko ikonoa (home), hizki tamainuaren ikonoa, moduluaren inprimakiaren ikonoa, laguntzarako sarbidearen eta edukiaren aurkibidearen ikonoa.
Barra materialen izena eta oraingo atalaren izenburua.
Nabigazio geziak (hurrengo-aurreko orrialdea).
Edukiak.

Egilea:

Pau Casacuberta

Copyright:

Itinerarium: http://www.itinerarium.cat/

Aurkibidea

Azalera

Kredituak

ZUZENDARITZA: Narcís Vives

KOLABORATZAILEAK:

PRODUKZIO-ZUZENDARITZA: Antonio Cara
EDUKI-ZUZENDARITZA: Antonio Cara
ZUZENDARITZA TEKNIKOA: Maite Vílchez
EGILEA: Marcel David Pochulu
EUSKARARA ITZULPENA: Eskola 2.0
MAKETAZIOA: Miquel Gordillo eta Maite Vílchez