IKT jarduera kurrikularraren helburua eta egitura
Material honen helburua hauxe da: adibideen bidez azaltzea nola aplika daitezkeen IKTak gelan, curriculum-edukiak
ikasteko eta trebetasun digitalak eskuratzeko.
Gure helburua IKT gaitasunak lantzea denez, unitate didaktikoaren proposamenean, ikasketa-helburuez eta
metodologia-jarraibideez gain, bereziki zehaztu dira unitatea burutzeko ikasleek nahiz irakasleek behar dituzten gaitasun
digitalak.
Beraz, proposatutako curriculum-unitatea prestatzean eta lantzean, irakasleak trebetasun instrumentalekin,
eta informazio digitalaren edo komunikazio birtualaren (IKT) tratamenduarekin lotutako jakintza eta jardunbideak aplikatu
beharko ditu. Eginkizun horretarako jarraibideak eta laguntza ematea da, hain zuzen, tutorial honen helburu nagusia.
Premisa horiek kontuan hartuta, tutorialak honako hauek eskaintzen ditu:
IKTen aplikazio didaktikorako proposamen zehatz bat, eta horretarako baditu:
-
Irakaslearen gida bat; gidak jarduera prestatzeko eta gauzatzeko lanak pausoz pauso adierazten ditu,
eta alderdi didaktiko, teknologiko edota curriculum-alderdiei buruzko gomendio metodologikoak ere baditu -Irakaslearen gida
(Guía para el profesor) izeneko dokumentua-.
"Gela Digitala" (Aula Digital) IKT tutorialetara sartu ahal izateko erreferentziak; erabilitako programei
buruz gehiago jakiteko balio dute.
-
Irakaslearentzako prestakuntza-proposamen bat -Prestakuntza-proposamena (Propuesta formativa) izeneko
koadroan dago laburbilduta-.
Gelako programazio bat, curriculumari eta IKTei dagozkien eduki eta helburuekin -Gelako programazioa (Programación
de aula) izeneko dokumentua-.