1. Ariketa: nire etxearen planoa

Irakasleak honako jarduera hau proposatuko die ikasleei: Azkenean arkitektoak oporretatik itzuli ziren, eta zorionak eman zizkizueten haien ordez egindako lanagatik. Bezeroak gustura geratu dira. Orain badakizunez plano bat nola egiten den, zure ametsetako etxea irudika dezakezu! Irudikatu etxe bat zuretzat eta zure familiarentzat, eta haren planoa egin. Kontuan izan bi solairu izan ditzakeela, gehienez ere 100m2-koa bakoitza.

Prestaketa-lanak: Google SketchUp: osagaiak

Ikasleek hala eskatzen badute, planoan beste elementu batzuk gehitzen irakats diezaiekezue, esaterako: oheak, mahaiak, aulkiak... Izan ere, etxeko esparru baten diseinua egokia den edo ez ikusteko balio du, programak osagaiak eskalan gehitzen baititu. Hona hemen adibide bat.

• Behin planoa egindakoan, ataza-barrako Ventana (Leihoa) aukeran klik egin, eta Componentes (Osagaiak) hautatuko dugu.

Google SketchUp.Osagaiak

• Leiho bat irekiko da, eta erakusgai dauden osagai batzuk hautatu ahal izango ditugu bertan. Horretarako, nahi dugun elementuaren gainean klik egin eta sagua nahi dugun lekuraino arrastatuko dugu. Beharrezkoa bada, biratu egin daiteke programako tresna honekin:

  

  . Internetera konektatuta baldin bagaude, osagai gehiago eskura ditzakegu.

Google SketchUp. Osagaiak txertatzea

• Orbitar (Orbitatu)

  

  tresnarekin, planoaren hiru dimentsioko bista eduki dezakegu, eta, hartara, etxeko esparru bakoitzari eman diogun dimentsioa egokia den edo ez ikus dezakegu, osagaiak eskalan baitaude. Adibidez, ikus dezakegu esparruren bat txikiegia dela eta zenbait altzari ez liratekeela sartuko bertan (ikasgela), edo handiegia dela emango zaion erabilerarako (jangela).

Google SketchUp. Planoaren hiru dimentsioko bista

Ikasleekin lanean. Diseinu libreko etxebizitza-plano bat eraikitzea (2 ordu)

Jarduerak ez luke zailtasunik eman behar; izan ere, ikasleek badakite programaren oinarrizko tresnak erabiltzen, eta horrekin diseinu interesgarri bat egin daiteke. Irakasleak, lana osatzearren, lauzekin, zeramikarekin, alfonbrekin edo bestelako elementuekin estali behar dituen azalerak kalkulatzeko eska diezaioke ikasleari.

Irakasleari komenigarria iruditzen bazaio planoan altzariak edo beste osagai batzuk gehitzea, azalpen orokor bat eman beharko die ikasleei. Hala bada, aurreko puntuan adierazitako pausoak jarrai daitezke, eta ikasle-taldeari adibideak erakutsi, arbel digitala erabiliz.

Azkenik, planoak inprimatuko dira, 2 orrialde orriko inprimatzeko aukera erabiliz. Garrantzitsua da inprimatzeko lana ikasleek egiteko moduan antolatzea.