1.Ariketa: Etxebizitzaren moldaketa

"Metro koadro" nozioa finkatzen hasteko, ikasleei jarduera hau proposa diezaiekezu:

Aurreko jardueran lortutako datuak sistematizatzeko modu bat baino ez bada ere, landu beharreko nozio bat indartzeko balio du. Azpimarratu behar da erantzunak desberdinak izango direla, ikasleek planoan egindako aldaketen baitan daudelako. Dena den, aipatutako gelek hartzen duten azalera ezin da 100 m² baino handiagoa izan.

Gure proposamena: Interneten “Un metro cuadrado” abestiaren hitzak bilatzea; abestia Gloria Van Aerssen eta Carmen Santonjak osatutako Vainica Doble bikote espainiarrarena da. Interesgarria da ikasleekin aztertzea han egiten diren konparazioak, luzeraren eta azaleraren magnitudeak egoera errealetan ikusteko balio baitu. Adibidez, abestiaren hitzek adierazten dute norbaitek metro koadro bat duela harrizko hormaz inguratua, eta haren barruan sagarrondo bat dagoela. Hori entzunda, galdegingo diogu geure buruari ea posible den mundu errealean literalki halakorik egotea, edo beste zerbait adierazi nahi duen zentzu metaforikoan, (jabetza pribatua eta tradizioa defendatzea, adibidez).

Horrez gain, beharrezkoa bada, ikasleei "metro koadro" nozioa eraikitzen lagunduko zaie, adibidez, ikasgelaren azalera neurtuz. Kasu horretan, erregela bat edo metroa erabiliko dute lurzoruaren luzera eta zabalera neurtzeko.

Lan hau amaitzean, ikasle-talde bakoitzak hainbat fitxategi izan behar ditu (bat talde bakoitzeko).

Ezin dugu ahaztu irakasleak behar bezala koordinatu beharko duela jarduera, ikasleek gaitasun hauek gara ditzaten:

• Ohiko testuinguruetan problemak interpretatzea eta ebaztea, eta jarraitutako prozesua eta lortutako emaitzak era ordenatuan, argi eta ongi argudiatuta azaltzea eta aurkeztea.

• Irudiak eraikitzea eta manipulatzea mentalki planoan eta espazioan.

• Errealitatea ezagutzea, inguruko alderdi zenbakarriei buruzko informazioa transmititzea (neurriak), eta errealitatea interpretatzea eta aztertzea (grafikoak)

• Kantitateak eta neurriak konparatzea, hurbilketak egitea eta neurtzea.

• Ikasteko prozesuak hitzez adieraztea.

• Norberaren eta gainerakoen arrazoiketak ulertzea eta baloratzea.

• Taldean lan egitea, era guztietako ikuspuntuak onartzea.

• Testuinguru errealetan zehaztasunez eta gutxi gorabeherako kalkuluen bidez neurtzea luzera- eta azalera-magnitudeak.

• Erlazio geometrikoak ikusteko gaitasuna garatzea, eguneroko espazioak irudikatuz.

• Geometriako lengoaia eta nozioak zehaztasunez erabiltzea eguneroko egoeretan neurtzeko, kalkulatzeko edota planoan eta espazioan irudikatzeko.