2. Ariketa: Nire logela 3D-n

• Paretak eraiki behar ditugu, eta, horretarako, Equidistancia (Distantziakidetasuna)

  

  tresna erabiliko dugu; tresna horrek lerroak kopiatzen ditu, jatorrizko lerroetatik distantzia berdinera. Beraz, logelaren goiko aldea hautatuko dugu, gero kurtsorea mugitu, eta azkenik klik egingo dugu eragiketa amaitzeko.

Google SketchUp. Distantzia berdinera kopiak sortzea

• Barrualdeko laukizuzena hautatuko dugu, gero kentzeko edo ezabatzeko tekla sakatu, eta logelako paretak prest izango ditugu.

Google SketchUp. Logelako paretak sortzea

• Atearen edo leihoaren irekidura egiteko, dagokion laukizuzena marraztuko dugu guk aukeratutako paretan. Gero, Empujar/tirar (Bultza egin / tira egin)

  

  tresnarekin, dagokion irekidura sortuko dugu.
• Behin hori egindakoan, osagaiak gehitzea eta logela margotzea baino ez zaigu faltako.

Google SketchUp. Logela 3Dn.

Ikasleekin lanean: kalkuluak egitea arkitektoen moduan (2 ordu)

Ikasleek logela bat diseinatuko dute, Google SketchUpek hiru dimentsioko modeloetarako ematen dituen aukerak erabiliz. Prozedura azaltzeko, aurreko puntuan adierazitako pausoak jarrai daitezke arbel digitala erabiliz.

Horrez gain, lurzorua alfonbrarekin edo beste materialen batekin estaltzeko zenbat metro koadro behar diren zehazteko eskatuko die irakasleak ikasleei, bai eta paretak paperez edo pinturaz estaltzeko behar direnak ere. Pareten kasuan, logelako irekiduren azalera kendu beharko da. Ikasleak neurtu edo aztertu beharko du zein diren logela, ate eta leihoetarako dimentsio egokiak.

Lana amaitzeko, testu-prozesadore batean egindako txostena aurkeztu beharko dute; txostenean, irakasleak eskatutako kalkuluak zehaztu beharko dituzte.