2.Ariketa: Azalerak kalkulatzen

Rodríguez jaunaren planoko beste esparru bat irudikatuko duen hurrengo laukizuzena marrazten hasi baino lehen, komeni da tresna horietakoren bat erabiltzea, gure marrazketa-orria doitzeko.

Gure kasuan, sukaldea izango da hurrengo esparrua, eta banan-banan esparru guztiak egingo ditugu diseinua amaitu arte. Gogoratu aukera hauek dituzula:

• Borrador (Ezabagailua)

  
  tresna erabiltzea, azken diseinuan agertzerik nahi ez duzun lerroak ezabatzeko.

• Barrako Edición (Edizioa) eta gero Deshacer… (Desegin) aukera sakatzea, edo

  
  +
  
  , egindakoa desegiteko.

• Seleccionar (Hautatu)

  
  tresnarekin objektu bat hautatu, eta gero
  
  tekla sakatzea, edota kendu
  
  edo ezabatu.

Hona hemen jarduera egiteko aukeretako bat:

Google SketchUp. Rrodríguez jaunaren eskaera egiteko aukeretako bat

Ikasleekin lanean: "metro koadro" nozioa eraikitzea eta azalerak kalkulatzea (1 ordu)

Lanari ekingo diogu berriro ikasleekin, eta Google SketchpUpekin laukizuzenak eraikitzen lagunduko diegu, aurreko puntuan azaldutakoen antzeko argibideak emanez.

Arbel digitala erabil daiteke karratu/laukizuzen bat nola eraikitzen den erakusteko, eta, gero, planoa antolatzen eta diseinua egiten utzi ikasleei beren ordenagailuan. Behin planoaren diseinua amaitutakoan, etxebizitzak zenbat metro koadro behar dituen kalkulatu beharko dute.

Jardueraren amaiera ez litzateke Rodríguez jaunaren etxebizitzaren diseinua aurkeztea bakarrik izan behar. Aberastu egin beharko litzateke, eta ikasleek etxebizitzako esparruan nola banatuko lituzketen aztertu. Ikasleek interesa adierazi badute, beste zenbait gauza ere egin daitezke, adibidez, aztertu daiteke zer aldaketa proposatuko lizkioketen Rodríguez jaunari, espazioa aprobetxatu ahal izateko (jangelaren tamaina txikitu eta sukaldearen ondoan jarri, ikasgela handitu...)

Gure proposamena: "Lau koloreen teorema" nozioa azaltzeko erabiltzea jarduera hau. Horretarako, etxeko esparruak margotzeko gutxienez zenbat kolore behar dituzten galdetuko zaie ikasleei, kontuan hartuta ondoan dauden bi esparruk ezin dutela kolore bera izan. Horrez gain, irakasleak egoki baderitzo, Interneten horri buruzko informazioa bilatzeko eska diezaieke ikasleei.