El sitio web: principales funciones

CREA (SORTU)

Atal hori oso garrantzitsua da, oihartzun bat grabatzeko edo igotzeko nahiz ibilbide bat sortzeko balio duelako. Kapsula-lantegiko 3. kapituluan ikusiko dugu nola erabiltzen diren aukera horiek.

Atal horretako hirugarren aukera Gida babestu bat kontratatzea da. Aukera horrek atal propioa du.

KOMUNITATEA

Atal horretan hiru aukera daude: komunitatea, foroak eta bloga.

• Komunitatea

Orri horretan, erabiltzaile aktiboenen (usuarios más activos), foroan jorratutako gai berrienen, eta talde aktiboenen (grupos más activos) zerrenda dago, bai eta hizkuntza bakoitzeko oihartzunen kopurua ere. Aukera dago zuzen-zuzenean sakatzeko arakatu nahi dugun edozein erabiltzaile, talde, foruko gai edo hizkuntza. Halaber, talde berriak sortzeko aukera dago.

• Foroa

Edozein webgunetan bezala, foroa oso zerbitzu erabilgarria da zalantzak galdetzeko eta irtenbideak bilatzeko. Martxan dauden foroen izenburuak lagungarriak dira bilatzen ari garen gaia bizkorrago aurkitzeko.

• Bloga

Bloga Woicesi buruzko albisteak argitaratzeko tresna da. Adibidez, blogan jakinarazten da Woicesek foroen aukera martxan jarri duela (2008ko azaroak 24), zenbait web-orrik (adibidez, http://www.educacontic.com/ ) heziketa-baliabidetzat onartzen dutela (2009ko irailak 1), edo iPhonesek Woicesi ongietorria ematen diola (2009ko urriak 20) eta aplikazio bat dagoela iPhones telefonoetan Woicesen botoi bat sakatuz sartzeko.

ÚNETE A WOICES (ELKARTU WOICESERA)

Aukera horretan, webgunean erregistra daiteke. Oso erraza da: eskatzen diren datuak adierazi behar dira, eta Crea cuenta (Sortu kontua) botoian sakatu.

El sitio web: principales funciones

ARAKATU

Bi modu daude web-zerbitzuan grabatuta dauden oihartzunak aurkitzeko: maparen edo direktorioaren bidez arakatzea.

• Kurtsorea ikurraren gainean mugitzean, eskuinean zerrenda bat ageri da, oihartzunaren izena duena. Leku jakin bat ere bila daiteke, bilaketa-laukian edo oihartzunen direktorioan.

• Adibidez, Europan egingo dugu bilaketa, Espainian, Andaluzian, Abrucena udalerrian.

• Abrucenan klik egin behar dugu, eta entzun aurretik, aukera dugu oihartzuna mp3 formatuan deskargatzeko eta gordetzeko balio duen ikonoan sakatzeko.

• Bestela, ABRUCENA izenean sakatuta, oihartzuna berehala entzuteko leihoa irekitzen da.

GIDA BABESTUAK

El sitio web: principales funciones

Behin erregistratu eta gero, Únete (Elkartu zaitez) aukera desagertu egiten da, eta haren ordez, Tú (Zu) aukera ageri da.

Ezkerraldean, zure kontuan egin ditzakezun aldaketa guztien zerrenda dago: informazio pertsonala adieraztea, zure argazki bat igotzea, lan egiteko erabiliko duzun hizkuntza hautatzea, zure posta elektronikoko helbidea adieraztea, zure oihartzunei nahiz ibilbideei buruzko informazioa edo Woicesi buruzko albisteak jaso nahi dituzun ala ez erabakitzea, pasahitza aldatzea, mapa kilometrotan edo miliatan konfiguratzea, edo zure kontua ezabatzea.

Idiomas (Hizkuntzak) aukera oso interesgarria da, zer hizkuntza entzun nahi dituzun iragazteko balio duelako. Demagun gaztelaniaz eta ingelesez soilik moldatzen zarela, hitz egiteko eta ulertzeko; bada, español (gaztelania) eta inglés (ingelesa) hautatzen badituzu, mapan bilaketak egitean, soilik hizkuntza horietan dauden oihartzunak ageriko dira.

• Klik egin behar duzu hautatu nahi duzun hizkuntzan, eta gero, pantailaren erdialdeko gezia sakatu behar duzu, hori erabili behar da-eta ulertzen dituzun hizkuntzak arrastatzeko. Gero, actualizar (eguneratu) sakatu behar duzu.

Caso práctico: mi primer ECO y mi primera ruta

B) OIHARTZUN BAT GRABATZEA

Pantailak leku hori dagoen puntu zehatzera eramango gaitu.

• Madrilen klik bikoitza egin behar da, eta apurka-apurka hurbilduko gara, pantailaren ezkerraldean dagoen zooma erabiliz. Zooma apurka-apurka mugituko dugu, eta planoan zenbat eta gehiago hurbildu, orduan eta hobeto hautemango da lekua, eta kaleak eta eraikinak ere ikusi ahal izango dira. Horrela, ahots-grabazioa zer lekurako sortu nahi dugun hautatuko dugu; kasu honetan, hain zuzen, “Retiro parkea”.

• Klik bikoitza egin behar da leku zehatzean (seinale bat ageriko da leku zehatz hori adierazteko).

• Jarraitzeko eta hurrengo urratsean sartzeko, gezian klik egin behar da ("proceder" aukera).

3. urratsa: argazki bat igotzea.

• Horretarako, pantailaren eskuineko aldean, klik egin behar da sube la foto (igo argazkia) aukeran.

• Gero, examinar (arakatu) aukera hautatu behar da, eta argazkia gordeta dugun leihoa ageriko da. Argazkian klik egin eta Abrir (ireki) aukera hautatu behar da.

• Gero, ¡Súbela! (Igo ezazu!) aukeran klik egin behar da.

Argazkia kargatuko da eta ezkerreko koadroan ageriko da.

• Hurrengo urratsean sartzeko, klik egin behar da cerrar (itxi) botoian. Une horretan, gure ahotsa grabatu ahal izango dugu.

Caso práctico: mi primer ECO y mi primera ruta

4. urratsa: gure oihartzuna igotzea edo online grabatzea.

Bi modu daude zure ahotsa grabatu eta lokalizazio bati eransteko.

Caso práctico: mi primer ECO y mi primera ruta

C) IBILBIDE BAT SORTZEA

Beste pantaila bat ageri da, sortutako ibilbidearena.

• Behin grabazio guztiak eta ibilbidea sortuta ditugunean, hurrengo urratsa egin behar da.

• Grabatuta dauzkagun oihartzun guztiak azalduko dira, eta erabili nahi ditugunak arrastatu beharko ditugu ezkerraldera Todos tus ecos (Zure oihartzun guztiak) ataletik Ecos de la ruta (Ibilbidearen oihartzunak) atalera.

Oihartzunen ordena alda dezakegu sagua erabiliz, nahi adina aldiz.

• Amaitzean, klik egin behar da Volvemos a la ruta (Ibilbidera itzultzea) aukeran. Mapak oihartzunak lotuta izango ditu, eta audio-barran oihartzun guztiak entzun ahal izango dira.

Caso práctico: mi primer ECO y mi primera ruta

D) LANA BLOG BATEAN TXERTATZEA

• Lana blog batean txertatzeko, joan oihartzunera eta kopiatu txertatzeko kodea.

• Blogerako sarrera berria sortzea. Egin klik Edición de HTML (HTML editatzea) aukeran, eta itsatsi kodea, nahi duzun lekuan. Gero, hautatu vista previa (aurrebista) aukera, ikusteko nola geratzen den.

Dena behar bezala badago, oihartzuna txertatuta ageriko da, eta zure blogerako sarrera sortzeko prozesua jarraitu ahal izango duzu.

 

Caso práctico: mi primer ECO y mi primera ruta

E) TALDE BAT SORTZEA komunitaterako

• Klik egin behar da Comunidad (Komunitatea) fitxan, eta Comunidad (Komunitatea) aukera hautatu.

Comunidad (Komunitatea) web-orrian, erabiltzaile aktiboenen [Usuarios (más activos)], foroen (gai berrienen) [Foros (temas recientes)] eta talde aktiboenen [Grupos (más activos)] zerrenda dago.

Orriaren amaieran, talde aktiboenen [Grupos (más activos)] zerrendaren azpian, crea un grupo nuevo (sortu talde berri bat) aukera dago.

• Crea un grupo nuevo (Sortu talde berri bat) aukera hautatu behar da, eta gure taldea publikoa (público) edo publikoa gonbidapen bidez (público con invitación) izango den hautatuko dugu.

Bi aukeretan, sortuko dugun taldeari buruzko informazioa adierazi behar da. Bi aukerak ez dira berdinak: público (publikoa) aukera hautatzen badugu, Woiceseko edozein erabiltzailek gehi dezake oihartzun bat zure taldean. Público con invitación (publikoa gonbidapen bidez) hautatzen badugu, berriz, guk gonbidatuko ditugu beste erabiltzaile batzuk taldeko kide izatera.

• Behin informazioa adierazi eta gero, klik egingo dugu Crea (Sortu) aukeran.

• Gero, beste leiho bat ageriko da. Adibide honetan público con invitación (publikoa, gonbidapen bidez) aukera erabiltzen ari garenez, Invita (gonbidatu) aukera hautatu behar da, gure taldeko kide izatea nahi ditugun erabiltzaileak gonbidatzeko.

Gonbidatzen dituzun kideek e-mail bat jasoko dute. Bertan, taldeko kide izateko gonbidapena onartzeko esteka izango da.

Esteka horretan sakatzean, gonbidatua Woiceseko web-orri batean sartuko da, eta han taldeko kide gisa erregistratzeko aukera izango du.

• Lo último en el mural (Hormako azkenekoak) aukera hautatuz gero, taldeak sortutako oihartzun eta ibilbideetan sartzeko aukera izango dugu.

• Nuevo tema (Gai berria) aukeran klik eginez gero, eztabaida asinkronikoa abiarazten da taldeko kideekin. Esate baterako, “Aisialdiaren eta turismoaren sektorea” gaia abiarazteko, gai horri buruzko lehen iruzkina idatzi behar da, eta gero, Comienza un tema (Hasi gai bat) aukeran klik egin.

“Aisialdiaren eta turismoaren sektorea” gaia Woicesen gordeta geratuko da, eta beste iruzkin edo erantzun batzuk gehitzeko aukera dago.

Caso práctico: mi primer ECO y mi primera ruta

2. urratsa: Woicesen gure taldea bilatzea.

• Gure taldea bilatu nahi badugu, pantailaren eskuinaldeko goiko aldeko bilaketa-aukera erabili beharko dugu. Han, gure taldearen izena idatzi beharko dugu.

• Grupos (Taldeak) aukeran klik egingo dugu, eta bilatzen ari garen taldea ageriko da. Zein erraza!

Ejercicio: una ruta sobre el sector terciario de nuestra ciudad

Hasierako hipotesia

Lankidetzan aritzeko proposatuko diegu gure ikasleei, “Izan dezagun gure hiriaren berri: hirugarren sektorea” gaia jorratzeko. Woicesen egindako lana zenbait diziplinatako helburuak betetzeko erabiliko da: hizkuntza, gizarte-zientziak, geografia eta matematika. Adibidez, azalpen-testuak landuko ditugu, Atochako geltokia zer den, noiz eraiki zen, non dagoen eta zer funtzio duen deskribatzeko. Edo El Prado museoa kultura-zerbitzua dela azaltzeko.

Jarraian, taldeari/ikasgelari zehaztuko dizkiogu edukiak lantzeko jarraibide espezifikoak: Gure hiriko hirugarren sektorea.

• Edukien zerrenda
  
  

  • Hirien ezaugarriak.

  • Metropoli-areak.

  • Zerbitzu publikoak: hezkuntza, osasungintza, garraioak, kultura eta segurtasuna.

  • Zerbitzu pribatuak: finantzak, merkataritza, aisialdia eta turismoa.

  • Gure hiriko zerbitzu publikoak eta pribatuak.

  • Lekuak koordenatuen (latitudea eta longitudea) bidez identifikatzea eta kokatzea. Informazio hori sortzen den oihartzunaren maparen azpian ageri da. Ikasleek koordenatu horiek irakurtzen eta ulertzen jakin behar dute

• Helburu didaktikoak
  
  

  • Hirien ezaugarri bereizgarriak identifikatzea.

  • Metropoli-areen definizioa adieraztea.

  • Zerbitzu publikoen eta zerbitzu pribatuen artean bereiztea.

  • Gure hiriko zerbitzu publikoak eta pribatuak zein diren zehaztea.

  • Gure hiriko zerbitzu publiko eta pribatuen adibideak bilatzea eta kokatzea.
    
    
• Proiektuaren bidez irakatsi nahi ditugun beste jakintza eta trebetasun batzuk:
  

• Lan egiteko gaitasuna

• Banakako eta taldekako ikaskuntza

• Gizarte-trebetasunen garapena.

• Espazioa interpretatzea eta adieraztea.

• Informazioa ulertzea eta erabiltzea.

• Ahozko adierazpena.
  
  
• Proiektua jarrerak irakasteko ere erabil daiteke; esaterako:
  
  

  • Gizarte-hezkuntza.

  • Identitatearen, ingurumenaren eta ondarearen defentsa.

  • Lanerako jarrera pertsonalak.

Ejercicio: una ruta sobre el sector terciario de nuestra ciudad

A) Aurretiko informazioa

Jarduera hasi baino lehen, gure hiriko hirugarren sektoreari eta zerbitzu publiko eta pribatuei buruz ikertu beharko dugu. Zenbait gauza ikasiko ditugu.

• Gizarteari, pertsonei eta enpresei zerbitzuak ematea da, batez ere, hirugarren sektorearen jarduna.

• Zerbitzu publikoak hezkuntzaren, osasungintzaren, garraioen, kulturaren eta segurtasunaren alorretakoak direla esan daiteke.

• Zerbitzu pribatuen alorrak, berriz, finantzak, merkataritza, aisialdia eta turismoa dira.

• Azalpen-testuak landuko ditugu, ondo idazteko.

• Ehunekoak landuko dira, ikertzeko zenbat jendek (ehunekotan) jarduten duen zerbitzu publikoetan edo pribatuetan, edo zerbitzu-mota bakoitzean.

B) Lantaldeak

Jarraian, ikasgela 6 taldetan banatuko da. Talde horietako bakoitza zerbitzu-mota batez arduratuko da:

• 1. taldea: hezkuntza (publikoa)

• 2. taldea: osasungintza (publikoa)

• 3. taldea: garraioak (publikoa)

• 4. taldea: kultura eta segurtasuna (publikoa)

• 5. taldea: finantzak eta merkataritza (pribatua)

• 6. taldea: aisialdia eta turismoa (pribatua)

Jarduera egiterakoan, arreta berezia eman behar zaio talde bakoitzeko eta taldeen arteko lankidetza-dinamikak sustatzeari.

Ejercicio: una ruta sobre el sector terciario de nuestra ciudad

C) Woicesen erregistratzea

Oihartzunak grabatu aurretik, ikasleek Woicesen erregistratu behar dute.

D) Oihartzunak grabatzea

Demagun “aisialdiko eta turismoko” zerbitzuak azaldu behar dituen taldea garela. Aisialdiko eta turismoko zerbitzuen adibideak azaltzeko oihartzunak sortu behar ditugu (kasu honetan, Madrilgoak), eta gero, ibilbide bat sortu behar dugu, adibide horiek guztiak lotzeko. Noski, askoz errazagoa da lan hori egitea hiri txikiagoetan; izan ere, hiria oso handia bada (Madril, adibidez), zerbitzu asko alde batera utzi beharko ditugu.

• Taldeak lanean has daitezke eta beren hiriari buruzko oihartzunak grabatzen. Aisialdiko eta turismoko lehen zerbitzua aurkitu dugu: Thyssen museoa.

• Gero, detalles (xehetasunak) atala beteko dugu.

• Klik egingo dugu ¡Graba ahora! (Grabatu orain!) botoian, eta dena prest dago oihartzuna grabatzeko.

• Oihartzuna bidaltzea.

• Behin gure oihartzun guztiak grabatu eta gero, ibilbidea sortu ahal izango dugu.

E) Ibilbide bat sortzea.

Atal honetakoak egiteko, 3. kapituluan, C atalean, adierazitakoei jarraitu behar zaie.

Ampliación y autoevaluación

Woicesi buruzko proposamen didaktikoak

Woices oso tresna emankorra eta berritzailea da, eta edozein irakasgaitan eta hezkuntza-mailatan erabil daiteke. Jarraian, zenbait erabilera proposatzen dizkizuegu, eta benetako adibide batzuk adierazten. Adibideak zenbait iturritatik hartu dira.

• GAZTELANIA. Ikasle batek Woices erabiltzen du azterketa egiteko. Hain zuzen, Waterlooko Guduan zer gertatu zen kontatzen du, eta irakasleak ahozko azalpenaren kalitatea ebaluatuko du.

• GAZTELANIA: Los doce trabajos de Hércules (Herkulesen hamabi lanak). Irakurketa sustatzeko jarduera. Paternako (Valentzia) IES Doctor Peset Aleixandre institutuko DBH1eko ikasleek egindako lana. Irakaslea: Pedro Luján. Ikasle batek kontatzen du istorio bakoitza.

• VALENTZIAKO MITOLOGIA: Valentzian mitologia grekolatindarrean oinarrituta dauden artelanei buruzko ibilbidea. Guztira, 17 oihartzun daude.

• Cristina Torres IES BANÚS institutuko ikasleak, adibidez, Espainiako literaturako hiru idazleri buruz hitz egiten du. Ikaskideek iruzkinak idatzi dituzte haren oihartzunari buruz, animatzeko edo zoriontzeko.

• SiroBC-k ESKOLA-IRRATI bati buruzko lana egin du. http://www.woices.com/ web-orrian aurki dezakezu. I.E.S. Banús, Siro por SiroBC du izena.

• Ikasleek urte-amaierako bidaia egiten badute, konta diezaietela zer ikusi duten gurasoei eta gainerako ikaskideei. Adibidea: Catedral de Notre Dame por Raul (Raul, Notre Dame katedralari buruz).

• Ikasle batek Yellowstoneko parke nazionalari buruzko ibilbidea azaltzen du. Yellowstone National Park du izena.

• LITERATURA. 1927ko belaunaldiko poeta garrantzitsuenen sorlekuak lotzen dituen ibilbidea egin daiteke, eta poeta bakoitzaren poema bana errezitatu.

• Ibilbide (walk) bat sortzea, eleberri batean deskribatutako lekuekin; esate baterako “La plaza del diamante” eleberriko lekuak (Bartzelona).

• Oporretatik itzuli eta lehenengo astean, udako oporraldian bisitatu dituzten leku eta monumentuei buruzko ibilbideak sor ditzakete ikasleek.

• Turismoarekin lotutako Lanbide Heziketako zikloetako ikasleek eta unibertsitatekoek audiogidak sor ditzakete leku turistiko interesgarriei buruz.

• Lehen Hezkuntzako ikasleek aitona-amonen kontakizunak graba ditzakete, haien sorlekuaren kondairen berri izateko. Gero, kondaira horiek geolokalizatu ditzakete, oroimenaren ibilbide magikoa sortzeko.

Ampliación y autoevaluación

• Elkarrizketak egin daitezke, ikastetxeko jendeari, eskuragarri izan daitezkeen pertsona garrantzitsuei, eskolara etortzen diren profesionalei (egileak, pintoreak, etab.). Galderak aldez aurretik prestatu behar dira, eta gero, elkarrizketa zuzenean online egin daiteke, edo MP3ko grabagailu bat erabiliz, gero Woicesera igotzeko. Hona hemen Lehen Hezkuntzako 3. taldeak wiki formatuan egindako esperientzia:http://hispalegere.wikispaces.com/ENTREVISTAS.

• Ipuin bat sortzea eta mapan geolokalizatzea. Ipuina Audacity erabiliz sortzen badugu, mota guztietako soinu-efektuak erantsi ahal izango dizkiogu. Audacity hemen deskarga daiteke:http://audacity.sourceforge.net/?lang=es.

• Ibilbide bat sor dezakegu ikasleek ikastetxean edo, ahal bada, etxean (gurasoen laguntzaz!) grabatutako ipuinez. Ikastetxetik gertuko lekuren batean koka daiteke ipuina, eta gero mapan lokalizatu.

• Ipuin bat sor daiteke, kapituluka. Ikasle batek hasiko du ipuina. Beste batek bigarren kapituluaren oihartzuna grabatuko du; beste batek, hirugarrena; eta horrela, partaide bakoitzak berea egin arte. Traveller Book-aren egokitzapen bat da ideia hori, eta IES Modesto Navarro institutuko ikasle-talde batek egin zuen, Comenius proiektu batean parte hartzeko. Hemen ikus daiteke:http://centros4.pntic.mec.es/ies.modesto.navarro/English/AlumEng/noticeboard/Comenius/index.html. Proiektu hori Haur Hezkuntzako etaparako egokitu daiteke, eta familiak ere parte har dezake.

Hau proposatzen du 5. mailarako:

• Ikasle bakoitzak gizarte-, kultura- edo ingurumen-intereseko albiste baten oihartzuna grabatzea eta mapan kokatzea.

• Taldeka (2-4 ikasle), gai aske bati buruzko ahozko adierazpena grabatzea, eta gero mapan geolokalizatzea. Gaietarako adibideak: desagertzeko zorian dauden animaliak, munduko lau miragarri, bidaia Egiptora, musikariak, munduko errezetak, etab.

Hau proposatzen du 6. mailarako:

• Ikasleek poema batzuk hautatzea, eta egilearen sorlekuaren arabera kokatzea.

Ampliación y autoevaluación

Pedagogia-balioak: TPACK

Woices heziketa-tresna gisa erabiltzeko, Jakintza teknologiko, pedagogiko eta diziplinarra garatu behar da (ingelesez, TPACK; hau da, Technological pedagogical and content knowledge).

TPACK ereduaren bultzatzaileek (Mishra eta Koehler, 2006) esparru teoriko-kontzeptuala garatu nahi dute, denentzako hizkuntza izan dadin teknologia irakaskuntzan integratzeko moduak bateratzerakoan.

TPACK ereduan, irakasleek irakaskuntzan teknologia integratzeko behar dituzten hiru jakintza-iturriak (jakintza diziplinarra, pedagogikoa eta teknologikoa) bakarka kontuan hartzeaz gain, elkargune bakoitzean sortzen diren jakintza-forma berriak azpimarratzen dira:

Hiru jakintza-moten elkargunean sortzen da Jakintza teknologiko, pedagogiko eta diziplinarra.

Ampliación y autoevaluación

Jarraian, hiru osagaiak bakarka azalduko dira, bai eta horiek konbinatzean sortzen diren hiru jakintza-pareak ere.

• Jakintza diziplinarra: irakatsi behar den eduki edo gai diziplinarrari buruzko jakintza da.
• Jakintza pedagogikoa. Irakaskuntza eta ikaskuntzako prozesu, metodo edo jardunbideetatik jakintza sakona nola hautatzea hartzen du kontuan: irakaskuntzaren asmoak, balioak eta helburu orokorrak; ikasgelaren kudeaketa eta antolaketa; pedagogia-proposamenen garapena; eta ikasleen ebaluazioa.
• Jakintza teknologikoa. Teknologia tradizionalei eta teknologia aurreratuagoei buruzko jakintza hartzen du, eta jakintza horren aplikazioa irakaskuntzan.

Eduki diziplinar baten irakaskuntzan teknologiaren benetako integrazioa lortzeko, hiru jakintza-mota horien arteko erlazio dinamikoa eta transakzionala ulertu eta kontuan hartu behar da.

• Jakintza pedagogiko-diziplinarra. Eduki bat irakatsi ahal izateko, eduki hori nola antolatu eta egokitu behar den ulertzeko jakintza hartzen du (Shulman, 1986).
• Jakintza teknologiko-diziplinarra. Gai diziplinar jakin bat irakasteko teknologia onenak hautatzen jakiteko jakintza hartzen du, eta teknologia horiek gai hori lantzean eraginkortasunez erabiltzekoa ere. Irakasleak jakin behar du eduki diziplinarrak nolako eraldaketa duen teknologia desberdinak aplikatzean.
• Jakintza teknologiko-pedagogikoa: eskura dagoen teknologiari, haren osagaiei eta irakaskuntza-ikaskuntzako testuinguruetan erabiltzeko aukerei buruzko jakintza da. Teknologia jakin bat erabiltzean irakaskuntza nola aldatzen den jakitea da. Mentalitate irekia eta sortzailea garatzea da, dauden tresnak egokitu (ez baitituzte beti hezkuntza-helburuak) eta birkonfiguratzeko.

Jada esan dugun bezala, hiru elkargune horiek bat egitean sortzen da TPACK. Oso jakintza garrantzitsua da irakasleentzat, teknologia helburu pedagogikoetarako adimenez erabiltzen jakin behar baitute.

Ampliación y autoevaluación

Jarraian, TPACKaren esparru teoriko-kontzeptualean garatzen diren jarduerak aurkeztuko ditugu. Arloka sailkatuta daude, eta batzuetan, helburua elementu horietako bat baino gehiago konbinatzea da, jakintza teknologiko, pedagogiko eta diziplinarra (TPACK) lortzeko. Eskuineko zutabean, jarduerak egiteko web-aplikazioak proposatzen dira. Askotan, Woices ere izan daiteke jarduerak egiteko aukera ona.

JARDUERAK ATZERRIKO HIZKUNTZAN

Ahozko adierazpenerako jarduerak
Deskribapena.	Ikasleek objektu, pertsona, leku edo ideia bat deskribatu behar dute atzerriko hizkuntzan.	Ahots-grabazioa
Galderak eta erantzunak egiteko jarduerak	Ikasleek galderak egingo dituzte eta/edo galderei erantzungo dizkiete atzerriko hizkuntzan (informazio pertsonala trukatzeko, argibideak eskatzeko edo emateko, etab.).	Audioa/Bideoa
Istorio bat azaltzea	Ikasleek istorio luze edo labur bat azalduko dute atzerriko hizkuntzan.	Ahots- edo bideo-grabazioa.
Errezitatzea	Ikasleek poema bat, aipu bat, esamolde bat eta abar errezitatuko dute	Ahots-grabazioa
Irakurketa
Istorio baten, poema baten, egunkariko artikulu baten eta abarren irakurketa	Ikasleek beren hizkuntzaren egile garrantzitsuen istorioak irakurri eta aztertuko dituzte, literatura-estilo desberdinez jabetzeko (esaterako, J. Borges, A. Matute, H. Quiroga).	Web-a; ebook-irakurgailua
Ahozko ulermenerako jarduerak
Audio-grabazio bat entzutea.	Ikasleek atzerriko hizkuntzako grabazioak entzungo dituzte.	Podcastak; Web-a

Ampliación y autoevaluación

GIZARTE-ZIENTZIAK

Gizarte Zientzietarako eta Natur Zientzietarako, zenbait motatako jarduera daude atal horretan, helburu didaktikoen arabera.

• Jakintza eratzeko jarduerak: ikasleei edukiak prozesatzen eta jakintza eratzen laguntzen dieten jarduerak.

• Jakintza adierazteko jarduerak: ikasleak zer ikasi duen zehazteko balio dute. Ikasleari jakintza adierazteko aukera ematea da helburua.

• Jakintzaren adierazpen konbergenteko jarduerak: ikasle guztiek gai batean ulertze-maila bera lortzen dutela bilatzea. Kasu horretan, ikasleek eduki jakin bati buruz ulertu dutenaren adierazpenak antzekoak izatea nahi du irakasleak.

• Jakintzaren adierazpen dibergenteko jarduerak: irakasleak ikasleak animatzen ditu gai batean ulertu dutena nork bere kasa garatu eta adieraztera. Horrela, ikasle bakoitzak aukera du gai bati buruzko bere ikuspegia adierazteko.

Jakintza eratzeko jarduerak
Testu bat irakurtzea	Ikasleek informazioa eskuratuko dute testuliburuetatik, dokumentu historikoetatik eta abarretik.	Webguneak, liburu elektronikoak
Ahots-grabazio bat entzutea.	Ikasleek grabazioak entzungo dituzte: hitzaldiak, musika, irrati-saioak, ahozko kontakizunak, etab.	Podcastak (“Great Speeches in History”, etab.), Audacity, Garageband, Odeo, Evoca.
Ikasketa-bidaia	Ikasleek bidaiak egingo dituzte leku fisikoetara edo bisualetara.	Ikasketa-bidaia birtualak
Ikerketa	Ikasleak elkartuko dira informazioa aztertzeko eta laburbiltzeko, iturri inprimatuak eta digitalak erabiliz.	Artxibo digitalak, google notebook, Digital archives, Google Notebook, Inspiration, eskemak egiteko.
Jakintza adierazteko jarduerak
Mapa bat sortzea.	Ikasleek jada eginda dauden mapak etiketatuko dituzte, edo beren mapak sortuko.	PowerPoint, Google Earth
Complete grafikoak/taulak	Ikasleek grafikoak eta taulak osatuko dituzte, edo beraiek sortuko dituzte, material tradizionalak edo digitalak erabiliz.	Testu-prozesadorea, Inspiration, PowerPoint
Idatzizko adierazpeneko jarduera dibergenteak
Idazlan bat idaztea.	Ikasleek idatzizko ohar baterako erantzuna idatziko dute.	Testu-prozesadorea, Inspiration, Wikispaces
Txosten bat idaztea	Ikasleek txosten bat idatziko dute, formatu tradizionalean edo multimediakoan.	Testu-prozesadorea, PowerPoint, Excel, Google Pages
Historia-kontakizunak.	Dokumentu historikoak eta beste iturri batzuetako informazioa erabiliz, ikasleek iraganari buruzko beren historiak garatuko dituzte.	Testu-prozesadorea, Wikispaces edo Google Docs, blogak
Egunkari bat sortzea	Ikasleek iraganeko gertaera bati buruz idatziko dute, lehen pertsonan.	Blogak, Word, Google Docs
Jakintza bisualeko jarduera dibergenteak
Mapa ilustratu bat sortzea.	Ikasleek marrazkiak, sinboloak eta grafikoak erabiliko dituzte mapa ilustratu batean gauzak nabarmentzeko.	Google Earth, PowerPoint
Jakintza kontzeptualeko jarduera dibergenteak
Galderak sortzea.	Ikasleek ikastaroko materialekin eta kontzeptuekin lotutako galderak sortuko dituzte.	Word, Wikispaces edo Google Docs
Ekoizpeneko jarduera dibergenteak
Eredu bat eraikitzea	Ikasleek ikastaroko kontzeptu edo prozesu bati buruzko eredu digitala edo idatzizkoa garatuko dute.	Inspiration, PowerPoint, InspireData
Egunkari edo aldizkari bat sortzea.	Ikasleek ikastaroko informazioa laburbilduko dute egunkari baten bidez.	Word, Letterpop, Scrapblog
Jolasak sortzea	Ikasleek jolas bat garatuko dute, paperean edo formatu digitalean, beste ikasleei edukiak ikasten laguntzeko.	Word, Puzzlemaker, imaging tools (irudiekin lan egiteko tresnak), Web-orrien diseinurako softwarea
Parte-hartzeko jarduera dibergenteak
Antzezpen bat egitea; esate baterako, irrati-saio bat.	Ikasleek antzezpen bat egingo dute (ahozkoa, musikala, antzezlan bat, etab.).	Photostory, Moviemaker, iMovie, Audacity
Ekintza zibiko batean parte hartzea.	Idazleek idatzi egingo dute, ordezkari politikoak balira bezala, edo beste ekintza zibikoren batean parte hartuko dute.	Web-a, e-maila, bideokonferentzia.

Ampliación y autoevaluación

HIZKUNTZA-JARDUERAK

Idazketa-jarduerak
Entzute aktiboa.	Ikasleek entzute aktiboan jardungo dute, eta informazioa prozesatuko. Informazio hori erantzunak emateko, ekintzak egiteko edo nolabait aplikatzeko erabiliko dute. Atal honetako jardueretan, informazioa entzun eta prozesatuko da (ahozko adierazpenak, eztabaidak, azalpenak, etab.).	Audio- eta bideo-grabazioak, podcastak eta vodcastak; entzungailuak.
Kontsulta-iturriak.	Ikasleek baliabideak esploratuko eta kontsultatuko dituzte, beren idazlanei buruz informazio garrantzitsua lortzeko (edukia, formatua, ikerketa, etab.).	Web-bilatzaileak, online idazteko ereduak, Purdue University’s Online Writing Lab (OWL)
Fikziozko idazketa	Ikasleek idatzizko zenbait jardueratan parte hartuko dute, fikziozkoak barne (ipuinak, txisteak, etab.).	Testu-prozesadorea
Ez-fikziozko idazketa.	Ikasleek idazketako zenbait jardueratan parte hartuko dute; besteak beste, autobiografiak, memoriak, egunkariak, idazlanak, ikerketa, albisteak, etab.).	Testu-prozesadorea
Idazketa, beste forma batzuetan.	Ikasleek zenbait motatako idazketa-jardueratan parte hartuko dute (ohar akademikoak, poesia, gidoiak, zenbait motatako istorioak, komikiak, etab.).	Testu-prozesadorea; ComicLife; iMovie; MovieMaker; PhotoStory; VoiceThread, bloga, wikia
Irakurketa osteko jarduerak
Antzezpenak	Ikasleek amaitutako beren idatzizko proiektuen antzezpenetan edo grabazioetan parte hartuko dute, lan horiek publiko jakin batekin konpartitzeko.	bideokonferentzia / streaming- bideoa; audio- eta bideo-grabazioa; YouTube
Hizkuntza-kontzientzia.	Ikasleek hizkuntza- eta ulertze-kontzientzia garatzeko jardueretan parte hartuko dute: a) hizkuntza-bariazioa eta dialektoa (language variation and dialect). b) hizkuntza testuinguru gisa (helburua, publikoa, modua, tonua eta abar kontuan hartuta).	Web-bilatzaileak
Ahozko adierazpena	Ikasleek, bakarka, ahozko adierazpenak egingo dituzte testuinguru desberdinetan: gai bati buruzko mintzaldiak, errezitaldiak, ahozko irakurketa, elkarrizketak, bakarrizketak, kontakizunak, txisteak, eztabaidak, etab.	Mikrofonoa eta bozgorailuak, kamerak eta proiektagailuak, audio- eta bideo-grabazioak, podcastak, vodcastak eta parte-hartzeko beste baliabide batzuk.
Emanaldiak eta ekoizpenak.	Ikasleek ekarpenak egingo dituzte lankidetzazko emanaldi batean, eta emanaldi horretan parte hartuko dute: kontakizunak, antzezlanak, simulazioak, elkarrizketak, inprobisazioak, abestiak, dantzak, etab.	Mikrofonoa eta bozgorailuak, kamerak eta proiektagailuak, audio- eta bideo-grabazioak, podcastak, vodcastak eta parte-hartzeko beste baliabide batzuk.

Ampliación y autoevaluación

NATUR ZIENTZIAK

Jakintza eratzeko jarduerak
Kontsultarako baliabideak	Ikasleek baliabideak esploratuko eta kontsultatuko dituzte, beren idazlanei buruzko informazio garrantzitsua lortzeko (edukia, formatua, ikerketa, etab.).	Web-bilatzaileak; online idazteko ereduak, Purdue University’s Online Writing Lab (OWL)
Oharrak hartzea	Ikasleek azalpen baten, taldean egindako lan baten eta abarren oharrak hartuko dituzte.	Testu-prozesadorea, wikia
Jakintza adierazteko jarduerak
Txosten bat idaztea	Ikasleek ikerketa bati buruzko txostena idatziko dute.	Testu-prozesadorea, aurkezpenak egiteko softwarea, bideoa, wikia, podcasta
Aurkezpena eta demostrazioa	Ikasleek ikerketetako ondorioen edo ikasketetako beste ikaskuntza batzuen aurkezpena edo demostrazioa egingo dute (adibidez, giza gorputzaren sistema).	Aurkezpenak egiteko softwarea, bideoa, podcasta, bideoa, filmak egiteko softwarea
Kontzeptu-mapak	Ikasleek jardueran parte hartuko dute eta grafikoak, mapa semantikoak eta abar garatuko dituzte.	Inspiration/Kidspiration, arbel zuri interaktiboak, marrazteko softwarea

MATEMATIKA

Ekoizte-jarduerak
Testuak	Ikasleek txostenak, oharrak, azalpenak, egunkari baterako sarrerak edo dokumentu bat idatziko dute, gai bati buruz zer ulertu duten adierazteko.	Word-prozesadore espezializatua (Math Type), lankidetzazko dokumentuak (Google docs), blogak, onlineko eztabaida-taldeak.
Objektu edo kontzeptu bat matematikoki deskribatzea.	Deskribatze- edo dokumentazio-prozesuan teknologiaren laguntza izanda, ikasleak objektu edo kontzeptu baten azalpen matematikoa egingo du.	Logo grafikoak, ingeniaritza bistaratzeko softwarea, kontzeptu-mapetarako softwarea, testu-prozesadore espezializatuak
Sortze-jarduerak
Ikasgai bat irakastea	Ikasleek matematikako kontzeptu jakin bati, estrategia bati edo arazo bati buruzko ikasgai bat prestatu eta emango dute.	Aurkezpenak egiteko softwarea, bideo interaktiboak, bideoa, podcastak

Ampliación y autoevaluación

ARINTASUNA LORTZEKO JARDUERAK

Arintasunez irakurtzeko eredua.	Hitzak arintasunez eta automatikoki irakurtzen dituzten irakurleei entzungo diete ikasleek.	Ahots-grabazioak, podcasta, bideoak sortzeko softwarea, hezkuntza-softwarea, Storyline Online, BookFlix
Batera irakurtzea	Ikasleek ozen irakurriko dute denek batera.	Ahots-grabazioa, podcasta
Binaka irakurtzea	Ikasle batek eta jakin-min handiko irakurle batek testu bat elkarrekin irakurriko dute.	Ahots-grabazioa, podcasta, hezkuntza-softwarea.
Irakurketa errepikatua.	Ikasleak testu bat ozen irakurriko du jakin-min handiko irakurle batekin, eta gero, testua berriz irakurriko du bakarrik.	Ahots-grabazioa, podcasta
Irakurlearen antzerkia	Ikasleek ahozko irakurketa bat antzeztuko dute, jendaurrean, gidoi bat erabiliz.	Ahots- eta bideo-grabazioa, podcasta
Irrati-irakurketa	Ikasleak testu-sorta bat ozen irakurriko du, eta gero, galderak egingo dizkio publikoari, eztabaida abiatzeko.	Ahots-grabazioa, podcasta
Errezitaldia	Ikasleek diskurtso edo poema baten ahozko antzezpena egingo dute jendaurrean.	Ahots-grabazioa
Antzerkia	Ikasleek buruz ikasitako antzezlana edo istorioa antzeztuko dute jendaurrean.	Ahots-grabazioa, kontakizun digitalak, podcastak.
Kontakizunak	Ikasleek istorioak eta kontakizunak kontatuko dituzte, inprobisatuta.	Kontakizun digitala, bideoak sortzeko softwarea, ahots-grabazioa,

Ampliación y autoevaluación

Jarduera-adibideak arloka

Atal honetan, Woicesen aplikazioen zenbait adibide adierazten dira, arloka, aurreko sailkapenaren arabera.

ATZERRIKO HIZKUNTZAKO JARDUERAK

1. DESKRIBAPENA

• La Janda International House

Gaztelania atzerriko hizkuntza gisa irakasteko zentroa da La Janda, eta 16 urtetik gora daramate lan hori egiten zentro horretan. Zentroko ikasleek Vejerren eta zentroaren deskribapen hau grabatu dute, podcast-formatuan.

2. ERREZITALDIA

• Poesia

Existe un colegio... (niña recitando una poesía). - Badago ikastetxe bat... (neskato bat poesia bat errezitatzen).

3. AHOTS-GRABAZIO BAT ENTZUTEA

• Obama Inaugural Adress (Obamaren inaugurazio-hitzaldia)

Ameriketako Estatu Batuetako lehen presidente afroamerikarraren inaugurazio-hitzaldi historikoa (2 zatitik lehena). - Historic inaugural address of first US African Americant President (part one of two).

GIZARTE-ZIENTZIAK

4. IKASKETA-BIDAIA

• El regreso a Ítaca - Itzulera Ithakara

Ithakatik kanpo hogei urte eman ondoren (hamar urte Troiako gerran, eta beste hamar odisea handian), Ulisesek bere aberrira, Ithakara, heltzea lortu zuen.

5. EGUNKARI BAT SORTZEA

• Camino de Santiago - Done Jakue bidea

Esperientzia aparta eta paregabea. Done Jakue bidea bigarren aldiz mendi-bizikletan egitean izandako esperientziak kontatuko dizkizuet. Ziur ez dela azkeneko aldia izango.

6. IKASKETA-BIDAIA

• Valencia mitológica (Valentzia mitologikoa): Ibilbidea Valentziako hirian, mitologia grekolatindarrean oinarrituta dauden artelanetan zehar.

Ampliación y autoevaluación

HIZKUNTZA-JARDUERAK

7. FIKZIOZKO IDAZKETA

• Historia de una pareja (Bikote baten istorioa). Achandirren oihartzuna (Banús gisa etiketatua).

8. EZ-FIKZIOZKO IDAZKETA / AHOZKO ADIERAZPENA

• Mujeres que han hecho historia (Historia egin duten emakumeak). Raquelen oihartzuna (Banús gisa etiketatua).

9. AHOZKO ADIERAZPENA / HIZKUNTZAKO AZTERKETA

• La batalla de Waterloo (Waterlooko Gudua)

10. BESTE FORMA BATZUETAKO TESTUEN IDAZKETA (ADIBIDEZ, IRRATIRAKO EDO TELEBISTARAKO IRAGARKI BAT).

• Tapas de Granada (Granadako pintxoak): Las mejores tapas de Granada, sin duda están en el bar Borsalino (Granadako pintxorik onenak, zalantzarik gabe, Borsalino tabernakoak dira).

11. GALDERA ETA ERANTZUNEN JARDUERA:

• Un viaje literario (Literatura-bidaia). , Egilea: joseprofe

Ibilbide horretan nire pasarte gogokoenak irakurriko dizkizut, poesiakoak, prosakoak, antzerkikoak eta abarrekoak. Ausartzen al zara egileen izenak asmatzen? Animatzen bazara, bidali erantzuna hona: joseprofearrobagmailpuntocom.

Ampliación y autoevaluación

NATUR ZIENTZIAK

12. SOINUEI BURUZKO JARDUERA. Animalien soinuetara egoki daiteke.

• Thames listening walk (Tamesis ibaiaren ondotik ibiltzen eta bertako soinuak entzuten). Egilea: tricias

The sounds were recorded by initial teacher training students on a curriculum visit to watery places. Jane collected the sounds with a digital recorder while others recorded using video, still cameras and other sound recorders. They then put the sound and pictures together to make this listening walk (Hasierako prestakuntzako irakasle izateko ikasleek grabatu zituzten soinuak, leku urtsuetarako curriculum-bisita batean. Janek soinuak hartu zituen grabagailu digital batez, eta besteek bideoa, argazki-kamerak eta beste soinu-grabagailu batzuk erabili zituzten grabatzeko. Gero, soinua eta irudiak elkartu zituzten ibili ahala entzunez egiteko ibilaldi hau egiteko).

MATEMATIKA

13. MATEMATIKA-KONTZEPTU BATEN DESKRIBAPENA

• El teorema de Pitágoras (Pitagorasen teorema)

Pitagorasen teoremari buruzko azalpen erraza.

14. MATEMATIKA-KONTZEPTU BATEN DESKRIBAPENA

• La manzana de Newton (Newtonen sagarra)

William Stukeley doktoreak eta Newtonek izandako solasaldia, fisikoari grabitatearen teoria iradoki zion sagarraren inguruan.

ARINTASUNA LANTZEKO JARDUERAK

15. ARINTASUNEZ IRAKURTZEKO EREDUA

• Los 12 trabajos de Hércules (Herkulesen 12 lanak)

Irakurketa sustatzeko jarduera, DBH1erako. Herkulesen 12 lanen lekuen ibilbidea erakusten da.

Ampliación y autoevaluación

Galdetegia eta azken jarduera