Beraz, urrats hauei jarraituko diegu ariketa egiteko:

A) Aurretiko informazioa. Atal horretan, gure udalerriko hirugarren sektorea (publikoa eta pribatua) osatzen duten lekuei buruzko informazioa bilatu beharko dugu. Agian, txango bat egin dezakegu leku horietako batera, eta leku bakoitzeko argazkiak guk geuk egin.

B) Lantaldeak sortzea.

C) Woicesen erregistratzea. Talde bakoitzak erabiltzaile-izen eta pasahitz bakarra erabiliko ditu.

D) Oihartzunak grabatzea, gure udalerriko leku interesgarriei buruz. Oihartzun bakoitzaren argazkiak igoko ditugu.

E) Ibilbidea sortzea. Talde bakoitzak ibilbide bat sortuko du, erregistratu dituen leku guztiak lotzeko. Behin hori egin eta gero, audiogida bat sortuta izango dugu turistentzat, hirugarren sektoreko zerbitzu-mota bakoitzerako: kultura, hezkuntza, garraioak, aisialdia, etab.