El sitio web: principales funciones

Hau da Woicesen hasierako orriaren itxura:

Orriko eskuinaldeko goiko aldean, aukera hauek daude: Inicia sesión (Hasi saioa), Únete a woices (Elkartu Woicesera), ayuda (laguntza), español (espainiera; fitxa honetan, webgunea ikusteko hizkuntza hautatzen da). Oraingoz inglés (ingelesa) eta catalán (katalana) aukerak ere badaude.

Goiko aldean, halaber sei aukera daude, webgunearen oinarrizko ardatza osatzen dutenak. Aukera horiek oinarri hartuta aztertuko ditugu funtzio guztiak.

INICIO (HASIERA)

INICIO orria ageri da http://www.woices.com/ web-orrian sartzean. Lehenik eta behin, Woices hauetarako erabiltzen da:

Munduko edozein lekutako erabiltzaileek sortutako oihartzunak arakatu eta entzuteko (Explora aukera).
Zure oihartzunak grabatzeko, munduko edozein pertsonak entzun ditzan (Grabar aukera).

Bi atal horietako bakoitzak bere botoia du: Crea (Sortu), zure oihartzuna grabatzeko edo igotzeko, eta Explora (Arakatu; hau da, mapa edo direktorioa). Atal hori sakonago aztertuko dugu kapsula-lantegi honetako 3. kapituluan.

Gainera, ibilbide nabarmenen zerrenda dago (Rutas destacadas); hau da, azken aldian bisita gehien izan dituzten ibilbideen zerrenda.

Halaber, Woices para iPhone (hau da, Woices iPhonerako) aukera dago, eta gida babestu bat kontratatzekoa (Guía Patrocinada).