IKT gaitasunak, esparruka:

G. Kudeaketa eta garapen profesionala

D. Pedagogia, didaktika eta curriculuma

C. Hiritartasun digitala

G. Teknologia erraztasunez erabiltzea, informazioa bilatzeko, hezkuntza-komunitatearekin komunikatzeko eta esperientziak konpartitzeko.

G. Tutorialak zer diren ulertzea eta laguntza gisa erabiltzea IKTko edozein baliabide ikasteko (softwarea, arbel elektronikoa, eskanerra, inprimagailua, arkatz optikoa, sentsorea)

G. Woices erabiltzea, multimedia-edukiekin oinarrizko eragiketak egiteko; esaterako, informazioa bilatzeko eta zabaltzeko, eta urruneko komunikazioak ezartzeko.

G. Oinarrizko hardware-baliabideak erabiltzea eta gailu berriekiko jarrera irekia izatea. Halaber, IKTek ikasgelarako erabilgarriak direla eta aukerak ematen dituztela onartzea.

G. Berdinkideekin konektatzeko, ikastaroak online egiteko eta adituekin elkarreraginean aritzeko IKTek duten erabilgarritasuna ulertzea, eta jarrera positiboa izatea etengabeko eguneratze profesionalarekiko.

D. Ikaskuntza-esperientziak diseinatzea, martxan jartzea eta ebaluatzea. Woices erabiltzea materiala prestatzeko, material horrek ikasleei aukera eman diezaien nork bere erritmoaren eta trebetasunen arabera lan egiteko, eta sormenezko pentsaera, berrikuntza eta aurkikuntza sustatzeko.

D. Woices erabiltzea mundu errealeko gaiak esploratzeko eta/edo arazo errealak konpontzeko.

D. Ikaskuntza-esperientziak diseinatzea, martxan jartzea eta ebaluatzea, IKTko baliabideak erabiliz ikasleengan sustatzeko XXI. menderako trebetasunak; esaterako, lankidetza, talde-lana, pentsaera kritikoa, arazoak konpontzea, enpatia eta sormena.

D. IKT baliabideak ikasleen esku jartzea. Baliabide horiek aukera eman behar dute proposatutako helburuekiko irizpide argi eta zehatzak ezartzeko, bai eta ikasleen aurreratze-maila egiaztatzeko ere, beren ekoizpenak doi ditzaten.

D. Dagokion curriculum-sektorerako IKT baliabide espezifikoen bidezko ikaskuntza sustatzea ikasleen artean.

D. Woices identifikatzea eta integratzea, sektoreko curriculumeko edukiak ulertzeko eta garatzeko, eta zenbait komunikazio-forma desberdin erabiltzea diziplinaren berezko genero eta sinbolo-sistemekin, entzuleak eta testuingurua kontuan hartuta, eta ezagutza balidatzeko metodo, prozedura eta modu gisa.

C. Ikasleek sarean informazioa konpartitzean hartzen dituzten arriskuez jabetzeko esperientziak diseinatzea, martxan jartzea eta ebaluatzea, IKTen erabileran segurtasuna eta osasuna sustatzeko.

C. Sarbide-gako pertsonalen erabileran pribatutasunari eustea.

IKTko helburu zehatzak

• Woicesen erregistratzea.

• Oihartzun bat sortzea eta igotzea.

• Ibilbide bat sortzea.

• Argazki bat igotzea.

• Web-orria kudeatzea.

IKTko edukiak

• Woicesen oihartzun bat eta ibilbide bat sortzea.

• Woiceseko web-orria administratzea.

Gutxieneko eskakizunak

• Oinarrizko kontzeptuak, informatika-ekipamenduei eta programei buruz; esaterako, testu-prozesadoreei buruz.

• Interneten nabigatzeko oinarrizko ezagutza.

Ebaluazio-irizpideak

• Woicesen behar bezala erregistratzea.

• Oihartzun bat sortzea eta igotzea.

• Ibilbide bat sortzea.

• Argazki bat behar bezala igotzea.

• Web-orriko aukerak ezagutzea eta behar bezala aldatzea.