Ibilbidea

Zer egingo dugu?

Kapsula-lantegi honetan Woices zerbitzuaren berri izango dugu. Web-zerbitzua da, doakoa, eta aukera ematen du oihartzunak sortzeko, konpartitzeko eta entzuteko. Oihartzunak audio-grabazioak dira, kokapen geografiko batekin lotura dutenak. Web 2.0-ko aplikazio hori erabiltzen ikasiko dugu, ikasgelan ikasleekin egiteko irakaskuntza-ikaskuntzako jarduera bat sortzeko.

Zer urrats egingo ditugu?

• Hasteko, oihartzuna zer den azalduko dugu, eta Woices aplikazioa eta haren funtzio nagusiak aurkeztuko ditugu.

• Ondoren, gaitasun-mapa aurkeztuko dugu. Bertan, web 2.0-ko aplikazioak pedagogia-helburuak betetzeko erabiltzean garatzen diren gaitasun pedagogiko-diziplinarrak adierazten dira.

• Tresna hobeto ezagutzeko, kasu praktiko bat proposatuko dugu Woices erabiltzeko, urratsez urrats azalduta: Nire lehen ibilbidea.

• Nork bere kasa praktikatzen sakontzeko, Woices zerbitzua erabiliz ariketa bat egiteko proposatzen dugu, ikasgelako testuinguruan aplikatuta: Ikasgelarako ibilbideak.

• Kapsula-lantegiaren amaieran, zabaltze-atal bat dago. Atal horren helburua da kontzeptuei buruzko hausnarketa eta haiek ulertzeko lana erraztea, bai eta tresnaren alderdi pedagogikoan sakontzea ere. Halaber, autoebaluazio-ariketa bat dago, amaieran egiteko, Woicesekin lan egin nahi duten irakasleentzat.

• Eta azkenik, kapsula-lantegia amaitzeko, webgrafia dago. Bertan, hezitzailearentzako webgune interesgarriak ageri dira.

Nola aurkeztuko dizkizuegu materialak?

Zenbait formatu konbinatuko ditugu, kapsula-lantegiko edukiak lantzeko zenbait aukera emateko:

• Material guztiaren bertsio inprimagarria, PDF formatuan.

• Bertsio elektronikoa, WEB formatuan.

• Zenbait ataletan, bideo bidezko tutoriala.

Has gaitezen!