1.2. Ariketa: argazkitik adierazpen grafikora

Landuko ditugun IKT GAITASUNAK *	Beharko ditugun IKT MATERIALAK ETA BALIABIDEAK
Produktibitate-tresnak erabiltzea zenbait motatako konponbideak sortzeko(editore grafikoa) Irudi digitalen tratamendua eta marrazteko tresnak	Argazki digitalak Gimp programa

Marrazteko tresnak: Gimp

Hurrengo lanari ekiteko prestatuta egoteko, Gimp programak marrazteko eskaintzen dituen tresnak birpasatuko ditugu. Argazkietan azaltzen diren poligonoak planoan irudikatzea da helburua.

1. urratsa. Geruza bat sortzea

Gimp programak, irudiak tratatzeko gainerako programak bezala, geruzekin egiten du lan. Xafla gardenak bezalakoak dira geruzak, eta bata bestearen gainean jar daitezke. Geruza horietako bakoitzak dituen objektuak banaka manipula daitezke, eta, beraz, errazagoa da irudiekin lan egitea.

• Capas (Geruzak) dioen leihoaren bidez, geruza bat sortuko dugu (1 behealdeko irudian) eta “Poligono” izena jarriko diogu, argazkian irudikatutako poligonoa han marrazteko.

Ohartuko gara geruza bat dugula jatorrizko argazkiarekin, eta izenburu hau duela: "Fondo" (Hondoa) eta beste bat hutsik, izenburu hau duela: "Polígonos" (Poligonoak).

• Egin klik begi baten marrazkiaren eta geruzaren izenaren artean ageri den laukiaren (2) gainean. Kate baten bi kate-maila batuta erakusten duen irudi bat azalduko da, eta horrek esan nahi du Fondo (Atzealdea) izenburuko geruza blokeatuta dagoela, hau da, ezin dela aldaketarik egin. Aukera hori oso baliagarria da geruzak banaka lantzeko.

• Begiaren irudia (3) geruzaren edukia ikusteko edo ezkutatzeko aukera da, eta hori bera erabiliko dugu irudikatuko dugun poligonoa hobeto bistaratzeko.

2. urratsa. Argazkian dauden poligonoak marraztea

Gimp programaren bidez irudiak marrazteko, gutxienez hiru modu ditugu aukeran tresna-kutxan:

• 
  Trazar rutas (Bideak marraztu)(1) aukera erabilita, oso erraza da segmentu zuzen itxiak adieraztea eta gero aukera bat sortzea kolore batez betetzeko edo bide bat marraztea ertzak nabarmentzeko.

• 
  Pincel (Pintzela) edo Lápiz (Arkatza) (2) aukera eta Mayúscula (Maiuskula) tekla erabilita, ertzak esku hutsez marraztu ditzakegu.

• 
  Trazar selección (Marraztu aukeratutakoa) aukera erabilita, hau da, Editar (Editatu) (3) menuan dagoena, aurretik aukeratuta daukagun eremu baten ertzak margotu ditzakegu, zenbait hautaketa-tresna erabilita.